Page 120 - Литература 6 кылаас 2 чааhа

либит оттору туруортаатыбыт. Кэтэххэ таһыллыбакка
хаалбыт буор тобоҕун отунан сабан саһыардыбыт. Хал-
лаан сырдаан эрэр, өстөөх икки биһиги икки ардыбытыгар
үрүҥ туман үллэн турар.

Гурьянов баран биир связистыын сибээс тардан аҕал-
лылар, телефон туруордулар. Биһиги дьоммутун кытта
сибээстэһэ олорор кыахтанныбыт.

Туман көппүтүн кэннэ, күн уоттанан мастар төбөлөрүгэр
ойдо. Биһиги иннибитигэр бары-барыта үчүгэйдик көстөр.
Ыраах өстөөх окуопаларын хара дьирбиилэрэ сыталлар.

Дэриэбинэ сэмнэҕин кэтэҕинэн сүгэһэрдээх үс өс-
төөх, мастартан мастарга хаххаланан, онтон оҥхойго
дуу, хаһыллыбыт сиргэ дуу киирэн сүтэн хаала-хаала,
саһан баран иһэллэр. Инники кирбииттэн тыаҕа тахсал-
лар быһыылаах.

— Табаарыс лейтенант, 16-с ориентирга үс фашист
баар, ытабыт дуо? — диэн телефоннаатыбыт.

— Суох. Өстөөх инники эҥээрин кэтэһиҥ — ол эһиги
учаастаккыт. Атын учаастагы кэтэһимэҥ.

Оҥхойтон тахсан иһэн, үс өстөөхтөн кэнникитэ охтон
түстэ, икки инники өстөөх эргиллэн истэхтэринэ, биирдэрэ
эмиэ оҕунна. Үһүс өстөөх, ойон иһэн, умса хоруйа түстэ.

— Уолаттарбыт үлэлииллэрэ ырааһын, оттон эн биһикки?
— Атын учаастагы кэтэһимэ...
Өстөөх окуопаларыттан икки сүүс метр бэттэх хойуу
оттоох, онно-манна талахтардаах томтор хотойон түһүүтү-
гэр биһиги харахпыт хатанна...
Күн өссө да илиҥҥилии-соҕуруу турар, ол аата, кэнни-
бититтэн тыгар, онон биһиги, бинокль тааһа күлүм гынан
биһигини уган биэрэриттэн куттаммакка, улаатыннарар
албастаах тааһынан көҥүл туттабыт.
— Көрдүҥ дуо, уҥа диэкиттэн үһүс талах төрдүгэр бу-
руо бурҕас гынна?
— Иккис уонна үһүс талахтар икки ардыларынан...
— Сөпкө этэҕин.
Хайдах да кэтэһэн, кыҥастаһан, киһи ытыах сыалын
булбатыбыт. Сотору буола-буола атын сирдэртэн буруо
бурҕачыс гынар.

120