Page 116 - Литература 6 кылаас 2 чааhа

ТИМОФЕЙ ЕГОРОВИЧ СМЕТАНИН
(1919—1947)

Суруйааччы, буойун, гитлеров-
скай талабырдьыттартан Аҕа дой-
дуну көмүскүүр Улуу сэрии кыттыы-
лааҕа Тимофей Егорович Сметанин
сүүрбэ аҕыс сылы кыайбат кэмҥэ
да олордор, норуотугар биэс уон-
тан тахса үтүөкэннээх айымньылары
хаалларбыта.

Үөрүөх курдук мин бэйэм олохпор
Үчүгэй суох да буоллаҕына,
Үөскээбит Ленам биэрэгэр
Үөрүү иһиллэр буоллаҕына, —
Син-биир этиэҕим:
Сирдээҕи дьолу билэбин!

Ити долгутуулаах строкалары Тимофей Сметанин су-
руйбута.

Бу күн сиригэр киһи соҕотох бэйэтигэр эрэ сылаас уйа-
ны туттар туһугар төрөөбөт, кини бары күүһүнэн, кыаҕынан
бар дьон дьолун-соргутун айсар аналлаах. Төрөөбүт но-
руоппут көҥүлэ, бүгүҥҥү уйгулаах олоҕо, сарсыҥҥы
кэрэ кэскилэ — бу буолар биһиги барыбыт дьиҥнээх улуу
дьолбут. Тимофей Сметанин будулҕаннаах кэммит хах-
сааттаах халлааныгар чаҕылҕанныы күлүм гынаат, умул-
лубут, кылгас эрээри чаҕылхай олоҕун, баараҕай айар
талаанын бүтүннүүтүн Ийэ дойдутугар, норуотугар анаа-
быта. Ол да иһин кини бэйэтин олоҕун, үлэтин, охсуһуутун
туһунан ити курдук саараҥа суохтук, бигэтик, дьэҥкэтик
этэр бырааптааҕа.

Софр. Данилов

Фронтан ыараханнык бааһыран 1944 сыллаахха күһүн
кэлэн баран, Сметанины 1945 сыллаахха Дьокуускайга
көрсүбүтүм. Онно кини: «Охсуспут охсуһууну, сылдьыбыт
сырыыны хайаан да суруйабын», — диирэ. Оччолорго

116