Page 118 - Литература 6 кылаас 2 чааhа

барыахпыт дии санаабыппыт. Манна оннук буолбата, өс-
төөҕү өссө үчүгэйдик көрө иликпит. Арай иллэрээ күн раз-
ведчиктар туппут «тылларын» — уһун фашиһы штабка ил-
дьэ истэхтэринэ көрбүппүт.

Икки өттүттэн күүтүһэн сытыы буолбута ырааппыт.
Өстөөх ыппыт снарядтара, миналара, иһиирэн, чуһууран,
эҥин араастаан улуйан кэлэн эстэллэр. Ыраах турар пуле-
мёт ырбыт буулдьата дыыгынаан кэлэр. Түүн ракеталар, өрө
көтөн тахсан, сырдаппахтыы түһээт, умуллан тохтоллор, хан-
на эрэ пулемёттар, татыгыраан ылаат, эмиэ хам бараллар.
«Оборонаҕа сытар бириэмэҕэ өстөөх күүһүн үлтү сах-
сыйыллыахтаах, өстөөххө биир да мүнүүтэлээх бокуойу
биэриэххэ сатаммат», — диэн, полк командира полковник
Беляев эппит үһү.
Саллаат итинник сонуннары, хата, истээччи.
Снайпердар мөлтөхтүк үлэлииллэр, аҕыйах өстөөҕү
өлөрдүлэр диэн полковник эмиэ эппит үһү. Ол биһиги
взводпут туһунан кырдьык этэ. Биһигиттэн үс-түөрт эрэ
снайпер иккилии-үстүү өстөөҕү өлөрөн тураллар. Оттон
Гурьянов биһиги иллэрээ күн, бэҕэһээ учаастак ылан
бултаатыбыт да, биири да өлөрбөтүбүт. Киэһээ аһылыгы
аһаан баран, хараҥа буолбутун кэннэ, Гурьянов биһикки
сарсын сытар позициябытын булан, бэлэмнии бардыбыт.
Инники кирбиини ааһан, оргууй баран истибит.
— Баҕар, «тыл» ыла иһэр өстөөхтөргө түбэһиэхпит, сэ-
рэн, көрөн ис.
— «Тыл» буолбатах киһи үчүгэй буолуо этэ!
Мааҕын сыппыт сирбититтэн сүүс метри ааһа барды-
быт. Өстөөх ракетата өрө көтөн таҕыста. Хаптайдыбыт.
Киһини сототун ортотунан оттоох томтор сир тэллэҕэр
тохтоотубут.
Бэйэ-бэйэлэриттэн уончалыы метр ыраах гына үс сир-
гэ окуопа хастыбыт, кинилэри синньигэс ханаабанан хол-
боотубут. Ыксал буоллаҕына, күнүс да чугуйарга сөптөөх
токур-бокур барбыт ханаабаны, томтору быһа хаһан, би-
һиги диэки өттүнээҕи намталга түһэрдибит.
Сэрии диэн үлэ буолар эбит ээ. Ким күүстээх, ким
үлэҕэ кыайыылаах — ол үчүгэй саллаат. Урут дойдубар

118