Page 123 - Литература 6 кылаас 2 чааhа
P. 123
— Биэс, алта... уон биир, — Гурьянов уон түөрт ми-
наҕа диэри ааҕан баран, эстибит миналар ахсааннарын
сүтэрдэ. Ол кини ахсааны уон түөртэн үөһэ билбэтиттэн
буолбакка, миналар олус чугас түһүтэлээн буорунан саба
көмпүттэриттэн буолбута.
Бүгүн Гурьянов биһикки, атын сиргэ ананан, дэриэбинэ
сэмнэҕин хоту уһугар уон үһүс ориентирга «бултуурбутун»
саҕалаатыбыт. Итинтэн кэнники били өстөөх снайперыт-
тан киһи өлбүт, бааһырбыт сураҕа иһиллибэт.
? Ыйытыылар уонна сорудахтар
1. Егор Чээрин уонна Гурьянов доҕордоһуулара туохха оло-
ҕурбутун быһаарсыҥ.
2. Бөҕөргөтүнүүгэ сытар кэмҥэ ханнык тактика туттул-
лар эбитий?
3. Снайперга бэргэнник ытартан ураты ханнык хаачыс-
тыбалар наадаларый?
Тыыннаах тыл
«Оҕо эрдэхтэн үлэлии үөрэниэххэ баар эбит» диэн этии
ис суолтатын бэйэҕит тус санааҕытыгар тирэҕирэн, ырытан
суруйуҥ.
Кимэн киирии
Сэһэн бу чааһыгар Гурьяновтаах Чээрин өстөөххө ки-
мэн киириигэ кыттыылара кэпсэнэр. Гурьянов ыарахан-
нык бааһыран, Чээрин контузияланан эмкэ ыытыллаллар.
Старшина Шагуров
Полк санитарнай чааһыгар сытан эмтэнэн, үс хонон
баран барыны бары истэр, саҥарар буоллум. Итинтэн
икки хонон баран, санчаастан таһаарбыттара.
«Снайпер Чээрин улаханнык контузияламмыт, ол иһин
ньиэрбэлэрин үлэтэ бутуллубут, салҕалыыр. Онон биир
123
