Page 128 - Литература 6 кылаас 2 чааhа

Бу өрүс чычаас. Кэтитинэн да киһи өрүс диэн ааттыар
сатаммат. Саха сиригэр үрэх диэх этилэр.

Уҥуоргу кытыы чугаһаатаҕын аайы, ууга накыйан, моон-
ньубутун эрэ таһаарабыт.

Дежурнай пулемёттар буулдьалара биһиги үрдүбүтүнэн
чобугураһан ааһаллар. Өстөөх ракетата өрө көтөн таҕыста.
Биһиги хантаччы туттан олорон, ууттан уоспутун, муннубу-
тун эрэ таһаарабыт. Ракета умулларын күүтэрбит.

Кытыл кэллэ. Шагуров, кытыыга тиийэн, сыҥыһахтыы
түһэн сытар. Өрүс кыһамыгар ыттыбакка эрэ, бадараа-
нынан сыылаҥхайдаан, соҕуруу диэки баран истибит.

Икки биэрэстэ кэриҥэ сири барбыппыт кэннэ өрүс
куртаҕа кэллэ.

Куртаҕы кыйа баран, куртах арҕаа өттүгэр тиийдибит.
Уҥуоргу, советскай биэрэк көстүбэт даҕаны. Өрүс куртахта-
нан бу диэкинэн олус кэҥиир. «Бассабыыктар манна кыайан
кэлбэттэрин быһыытынан», бу эргин немец бөҕөргөтүнүүтэ
мөлтөх, миналаах хонуулар суохтар. Ол иһин бу учаастак
разведканы ыытарга сөптөөх сиринэн ааҕыллыбыт. Хайа
уонна биһиэхэ наадалаах «тыл» манна буолуохтаах.

Талахтар истэригэр киирэн, таҥаспытын ыгынныбыт.
Эт кэнсиэрбэтин сии олорон, билигин ким тугу оҥоруох-
тааҕын өссө биирдэ сүбэлэстибит.

Манна окуопанан ситимнэһэр барыта үс землянка баар.
Ортоку линияҕа офицердар олорор буолуохтаахтар. Итини
барытын Шагуров урут аҕалбыт «тыла» кэпсээн турардаах.

Шагуров офицерскай землянкаҕа, Ирдонов биһикки
икки кытыы землянкаларга икки аҥыы бардыбыт.

Мин тиийбит землянкам айаҕар биир фриц утуктуу оло-
рор. Сөп, олордун. Сибээс ситимнэрин булан, сыылла сыл-
дьан, бысталаатым. Землянка түннүгэр сыыллан тиийэн,
танканы бултуур курдук, икки граната холбуу баайыллыбы-
тын бырахтым. Аҕыйах сөкүүндэ буолаат, землянка иһигэр
гранаталарым эстэн, дэлби тэптилэр. «һук-һээк!» — диэн
хааһы-саламаат буолар хаһыылар иһилиннилэр.

Үһүс землянкаҕа Ирдонов «үлэлиир» тыаһа эмиэ иһи-
линнэ.

Мин биир гранатаны землянка айаҕар бырахтым. Ол,
утуктуу олорон, субу аҕай уһуктубут немеһи хат үчүгэйдик

128