Page 129 - Литература 6 кылаас 2 чааhа

«утутарга» уонна ким эмэ, кыратык табыллан баран, зем-
лянкаттан тахсан истэҕинэ, истиҥник «дорооболоһорго»
аналлаах.

Өссө биир гранатаны бырахпытым кэннэ, землянка
иһигэр да, таһыгар да чуумпу буолла.

Офицерскай землянка диэкиттэн икки немец иһэрин,
автоматтан биир уһун уочараты биэрэн охтордум. Утары
үөмэн баран истэхпинэ, үһүс немец иһэр. Ыстаанын буу-
та синньигэһинэн тойонноотохпуна, офицер быһыылаах.
Офицеры «бочуоттаан» иккитэ ыттым. Өссө үөмэн истим.
Офицерскай землянка көһүннэ. Чугаһаатым. Биир офи-
цер, землянкаттан быган туран, иккис немецкэ тугу эрэ
саҥарар. Немец Ирдонов диэки сүүрдэ.

Офицер землянкатыгар төттөрү түһэн эрдэҕинэ, түннү-
гүнэн киирбит Шагуров уун-утары көрүстэ.

— Кэндэхох! Гут! Ну, кэндэхох!
Мин, окуопаҕа ыстанан түһэн, офицер кэннигэр буол-
лум. Немец Шагуровы көрдө, миигин көрдө. Фронт да,
тыыл да бүөлэммит. Манныкка түбэстэҕинэ, немец утар-
сыбат, бэйэтин тириитин, ордук офицер, сүрдээҕин ха-
рыстыыр. Офицер илиитин өрө уунна, тугу эрэ ботугу-
раата. Нагаанын ыллыбыт. Ирдонов кэллэ. Землянкаттан
киирэн, карталары, докумуоннары таһаардыбыт.
Шагуров офицерга хоһооно суох хаһыытаата уонна:
«Түҥ!» — диэтэ, автоматы көрдөрдө. Ити аата хаһыытаа-
таххына, ытыахпыт диэн. Немец: «Гут-гут», — диэтэ. Стар-
шина, хаҥас ытыһын нэлэс гыннаран, уҥа илиитин икки тар-
баҕын сүүрдэн дыдыгытта (өскөтө сүүрдэххинэ...) — оччоҕо
«түҥ!» — (эмиэ ытыахпыт) диэтэ. Немец: «Гуут, гут-гут», —
диэтэ. Уҥуоҕа улахана, акыллан көтөҕө, моонньо уһуна, —
«гут, гут» дии турдаҕына, үүт-үкчү кырдьаҕас бөтүүк курдук.
— Булпут үчүгэй, майор эбит, — диэтэ Шагуров.
Немецпитин ортобутугар уктан, өрүс куртаҕын эҥээри-
нээҕи талахтар быыстарынан сүүрэн истибит. Немецтэр
дьэ өйдөнөн, маҥнай өрүс куртаҕын, онтон өрүс кытылын
бүтүннүүтүн миналарынан, снарядтарынан ытыалаатылар.
Мин дьоммуттан кэнники, тэйиччи соҕус сүүрэн истэхпинэ,
чугас снаряд эһиннэ. Дьоммун хара күдэн сапта, онтон эмиэ
тыас тыаһа чуһуурда, эмискэччи хабыс-хараҥа буолла...

129