Page 132 - Литература 6 кылаас 2 чааhа

датыгар сүүһүн өйөөн санааргыыр. Онтон өрө кэҕис
гынаары, саайыллан турар тимир тоһоҕону билэн, сул-
бу тардар). Көр, бу наада буолуох тоһоҕо турар эбит ээ.
(Тоһоҕону төттөрү анньан кэбиһэр). Эрэй-муҥ, доппу-
руос бөҕө буолаары турдаҕа. Уол оҕо уйана-хатана дьэ
биллиэхтээх. Да... (Синиэлин аҥаар эҥээрин тэлгэнэн,
аҥаарын саптан, өлбүт киһи таһыгар сытар).

Н е м е ц с а л л а а т а (кэлэн, Чээрин сытар булууһун
аанын күлүүһүн аһар). Русс, таҕыс!

Ч э э р и н (уоһун иһигэр). Наада буоллаҕына, киирэн
таһаарыаҥ ээ.

Н е м е ц с а л л а а т а (быган туран, хаһыытыыр).
Русс, таҕыс, русс! (Киирэр. Өлбүт киһини кэлэн прикла-
дынан охсор.) Русс, таҕыс! (Онтон Чээрини охсор.) Русс,
таҕыс!

(Чээрин уһуктубута буолар. Синиэлин бүрүнэн баран
тахсан истэҕинэ, синиэл ыйыыр быатыттан аан үөһээ хо-
луодатынааҕы тоһоҕоҕо ыйанан хаалар. Чээрин, маҥнай
оргууй, онтон түргэнник сүүрэн, хараҥаҕа мэлис гынар.)

Н е м е ц с а л л а а т а (кураанах синиэл ааны «тахса-
рын» күүтэн турбахтыыр). Русс, таҕыс! (Кыыһырбытыттан
кыбдьыгырыы түһэн баран, ыйанан турар синиэли саа-
тын прикладынан анньар, кураанах синиэл сууллан түһэр,
немец аспыт күүһүттэн аан холуодатыгар сүүһүнэн лос
гына түһэн баран, төттөрү тэйэн охтор, талбааран сып-
пахтыы түһэн баран, туран олорор, сүүһүн туттар). Айыы-
айа! Русс!

Соҕуруу дойду хараҥа түүнүгэр — махтал!
Чугас тосхойбут халыҥ тыаҕа — махтал!

? Ыйытыылар уонна сорудахтар

1. Чээрин радионан тыл эппитин кэннэ фашистар сыһыан-
нара тоҕо тосту уларыйбытый?

2. Чээрин бэйэтин дьонун өлүгүн көрдөҕүнэ, тоҕо куйаха-
та күүрэрий, куттана көрөрүй?

3. Чээрин муҥутах, куттамсах киһи эбитэ буоллар «абы-
раллаах тоһоҕо» абырыа этэ дуо?

132