Page 136 - Литература 6 кылаас 2 чааhа

сабыылаах уһун остуол турар, остуол тулатыгар биэс-алта
дьыбаан, биир кириэһилэ. Площадка барытын үрдүнэн
илим тардыллыбыт, ол илимҥэ чэгиэн от-мас сэбирдэҕэ
кутуллубут.

Биир немец остуолга саба түһэн олорор, кумааҕыны
тэниҥнэтэрин быыһыгар аттыгар турар ыстакаантан субу-
субу тугу эрэ иһэр. Илим хараҕын быыһынан тыкпыт күн
уотугар икки саннылара, түөһэ көмүс өҥүнэн күлүмүрдүүл-
лэриттэн көрдөххө, улахан соҕус тойон быһыылаах. Кын-
дыкыс курдук, ыга туппут кителлээх икки офицер кэ-
лэн, киниэхэ тэбис-тэҥҥэ чиэс биэрдилэр. Уруккуттан
олорооччу немец, кириэһилэтигэр тиэрэ түһэ-түһэ, күллэ
дуу, санна ыгдаҥныыр.

Итини барытын снайперскай саам оптическай прибо-
рунан улаатыннаран көрөбүн. Немец штаба быһыылаах.

Хараҥа буолуор диэри көрө-билэ сыттым. Хараҥа
буолбутугар туран, ойуурбар өссө дириҥник киирэн,
бөлүүн кэлбит суолбун, ынах ыырын булан, төттөрү бар-
дым. Биэс биэрэстэни барарбын кытта, ойуурум, күүп-
пүтүм курдук, бүттэ. Алҕаһаабатахпын. Аҕыйахтык хаа-
маат, алдьаммыт дьааһыкка кэтиллэ түстүм. Дьааһык
иһин харбыалаһан бэҕэһээ бэлиэтээбит минабын ылан
сүктүм да, төннө турдум.

Ыарахана сүрдээх, 120 миллиметрдээх биһиги полко-
вой миномёппут мината. Үчүгэй.

Немец штабын иннигэр тэриммит бэйэм «штабпар» кэ-
лэн, минабын түһэрдим. Сынньанным.

Тулам хабыс-хараҥа. Немец штабын тулатыгар хара-
быллара ааһааччыны тохтотор, ыйытар быстах хаһыылара
иһиллэр. Онтон эмиэ уу-чуумпу буолар.

Илиим иминэн бигээн, минам колпачогун (сахалыы
«хаапсылын сабыытын» диэххэ сөп) өһүлэн ыллым, сыр-
дыкка булбут испиэскэбин үлтүрүтэн, бурдук курдук мэ-
лийэн баран, куттум уонна колпачогун төттөрү эрийдим.

Түүн үөһүн саҕана, минабын кыбынан, сорох сиргэ
соһон, үҥкүрүтэн, инним диэки сыҕарыйдым. Аҕыйах хаа-
мыыны бара-бара, тохтоон, иһиллиибин. Сиргэ сыста сы-
тан, боруоран көстөр халлаан сырдыгар кыһайан, тулабын

136