Page 133 - Литература 6 кылаас 2 чааhа

Снайпер саата

Бэркэ таптыыр биэбэкэм,
Биэстэ эстэр бинтиэпкэм!

Күн Дьирибинэ

Соҕуруу дойдуга маннык халыҥ ойуурдаах сиргэ киһи
дэҥҥэ түбэһэр. Киллэм хонуу сир эбитэ буоллар, Чээрин
эрэйдээх немецтэргэ түбэһэр этэ.

Үчүгэйиэн көҥүл сылдьар, бу сир ийэ түөһүгэр көҥүл хаа-
мар, бу ыраас салгынынан көҥүл тыынар! Туругурдун көҥүл!

Астаах киһи аһыах эбит.
Күрээбит сирбиттэн балай эрэ ыраах кэллим быһыылаах.
Сахалыы сис туттан баран, тииттэр быыстарынан хаа-
ман истим.
Тохтоон сынньаммыт сирбиттэн икки-үс биэрэстэни ба-
рарбын кытта, ойуур саҕата кэллэ. Манна урут биһи-
ги чаастарбыт немецтэри кытта охсуспуттар. Сиҥнибит
окуопалар, тииттэргэ оскуолка түспүт саһархай баастара,
төбөлөрө быстыбыт титириктэр — ити барыта манна ох-
суһуу буола сылдьыбытын кэпсиир.
Оол, ыраах, алдьаммыт дэриэбинэ. Аҕыйах буруо көстөр.
Бу окуопаларга хаһан эрэ биһи дьоммут сыппыттар.
Сиҥнибит окуопа устун сыылла сылдьан, буорунан бү-
рүллүбүт землянкаларга киирэн сээкэйи көрдүүбүн да,
булбаппын. Алта-сэттэ хос үрүттээх биир бүтүн соҕус
хаалбыт землянкаҕа киирдим. Кураанах кэнсиэрбэ иһитэ,
бөх-сах элбэх.
Хайа, бу тугуй? Мөһөөччүк. Аһан көрбүтүм — икки бакыат
концентрат баар. Саҥа таһааран күллүм. Концентраты хай-
дах астаан аһыыры билэбин. Биир быһыы курсуйбут ки-
лиэп. Бу да хаалбат. Өссө туох баарый? Суох.
Килиэппин, землянка иһигэр олорон, сиэтим. Бу дьо-
лу! Аны туран биир бүүс-бүтүн кааска сытар. Котелок суох
буоллаҕына, кааска олус бэрт солуурчах буоларын урут
да билэр этим.
Манна чугаһынан ким да суоҕун билэн бараммын,
ойуурга киирэн, күөстэнэргэ тэринним.
Били, мааҕын, биир өлбүт немецтэн ылбыт зажи-
галкабынан уот ылан, арбах үрдүгэр кутаа отуннум.

133