Page 137 - Литература 6 кылаас 2 чааhа

көрөбүн. Күнүскү кыра да тииттэр, тэҥнэһэн, саба баттыах
курдук сабырыһан, улаатан көстөллөр. Арыт немецкэй ха-
рабыл харааран турар. Кинини төгүрүйэн барыахха наада.
Көлөһүнүм тахсан, туустаах уу харахпар киирэр. Ис ырбаа-
хым, илийэн баран, эппэр хам сыстан, иэммин аһытар.
Муннубунан кырыска саба түһэн, дириҥник тыынабын.

Ити курдук айаннаан, землянкалар иннилэринээҕи пло-
щадка кытыытыгар кэллим. Площадка анараа кытыытыгар
немец харабыла хаама сылдьар.

Күнүс харааран көстөр, площадка кытыытынааҕы сылба-
ҕы буллум. Сылбах ортотугар чөҥөчөк баар буолуохтаах
этэ. Чөҥөчөккө чугаһаан истэхпинэ, лабаа тоһунна. Немец
харабыла кэлэн иһиллээтэ уонна ааһа турда.

Чөҥөчөк үрдүгэр минабын ууран баран, отунан-маһынан
саптым. Мин «штабым» диэки өттүнээҕи төрдүн сыгын-
ньах хааллардым, минам колпачогун уһулан ыллым.

«Штабпар» туох да мэһэйэ суох төттөрү үөмэн кэллим.
Снайперскай саабын хоонньоһон, өлбүт байыастан ылбыт
синиэлим быһаҕаһын тэлгэнэн, быһаҕаһын саптан, сиэх-
тэрин сыттанан сыттым... Маһы-оту үрдүбэр өссө халыҥ-
нык саба тардынным.

Аччык киһи, төһө да сылайбытын иһин, уута кэлбэт буо-
лар эбит. Утуйбакка өр эрэйдэнним.

Сарсыарда. Уһуктубутум, күн тахсыбыта ырааппыт бы-
һыылаах. Өр да утуйбуппун.

Сытан эрэн, синиэлбин кэттим, курданным.
Снайперскай саабын, сибилигин ытыах киһи курдук ин-
нибэр ууран, быардыы түһэн сытан, оптическай приборунан
немец штабын көрөбүн. Онно-манна харабыллар тураллар.
Биир землянка таһыгар намыһах уҥуохтаах, суон фриц тугу
эрэ сууйар. Повар быһыылаах, генераллары аһатан эрдэҕэ.
Площадкаҕа баар остуолга икки немец аһыы олороллор.
Кистээбит минам хаапсылыгар кутуллубут испиэскэ тур-
тайан көстөр. Бүдүк-бадык да соҕус буоллар, саа сыалыгар
үчүгэйдик киирэр.
Күн ортотун саҕана биир легковой массыына тыыл диэ-
киттэн кэллэ, массыына иһиттэн биир үрдүк, суон немец
таҕыста. Киниэхэ землянкаттан тахсан, били бэҕэһээҥ-

137