Page 138 - Литература 6 кылаас 2 чааhа
P. 138
ҥиттэн кумааҕыны тэниҥнэтэр офицер дакылааттаата.
Кэлбит немец площадка диэки ыйда. Олордулар. Кинилэр
икки землянка икки ардыгар биир синньигэс офицер кэ-
лэр-барар, сүүрэр-көтөр.
Сотору буолаат, остуол тула уонтан тахса киһи муһун-
на. Оптическай приборунан көрдөхпүнэ, барылара офи-
цердар. Бөлүөхсэн олорон тугу эрэ кэпсэтэллэр, картаны
көрөр быһыылаахтар.
Массыынанан кэлбит улахан немец турбутугар, атыт-
тар бары, бараан үөрүн курдук, хорос гына түстүлэр.
Сөптөөх түбэлтэ тосхойбутун көрөөт, кистэммит минам
туртайан көстөр хаапсылын кыҥаан баран, снайперскай
саам куруогун оргууй аҕай сыыйа тартым. Саам эстэн дьигис
гыныытыгар чыпчылыйан баран, харахпын аспытым: мустан
турбут немецтэр буралла түстүлэр. Минам бүтэйдии «булт»
гынна, эһиннэ. Киһи атаҕа, илиитэ көҥдөйүттэн арахсан, үөһэ
салгыҥҥа адаарыс гына көтөрүн көрдүм. Биир немец, аттаан
баран, землянка диэки баран истэ. Мин көрдөхпүнэ, били
массыынаттан кэлбит суон немец. Ытарбын кытта немец
умса хоруйа түстэ, атахтарынан салгыны тэбиэлээмэхтээтэ,
буулдьа көрбүт сирбэр түстэ быһыылаах. Өйдөөн көрбүтүм:
били харабылга турбут немецтэр, тииттэн тииккэ сөрөнө-
сөрөнө, мин диэки иһэллэр. Икки ытыынан икки немеһи ох-
тордум. Хантан кэлбиттэрин бэйэм да билбэтим, бүтүн взвод
немецтэр мин уҥа өттүбүнэн киирэн иһэллэр, үс-түөрт буул-
дьаны ыытан баран, ойуурга чугуйдум. Эмискэччи пулемёт
татыгыраата. Ойуур маһа-ото барчаланна, үрдүбүнэн, ойо-
ҕоспунан буулдьалар чуп-чубугурас буоллулар.
Буулдьа тиһигин быспакка кэлэр. Өссө күүскэ сүүрдүм,
ойуур ортотугар киирдим.
Буулдьа кэлэрэ мөлтөөтөҕүн аайы, өссө сэтэрэн сүү-
рэбин. Ойуурбун туораан, били дьааһыктаах сирбэр кэ-
лэн иһэн, уун-утары иһэр рота немецтэри көрдүм. Би-
һиги ытыаласпыт тыаспытын истэн, сэргэхсийбиттэрэ
сүрдээх, сааларын бэлэм тутан иһэллэр. Ойуур саҕатыгар
чөмөхтөммүт сылбах анныгар түстүм. Саабын соспутунан
сылбах саамай түгэҕэр киирдим. Манна хаһан эрэ хаһыл-
лыбыт оҥкучах дуу, оҥхой дуу баар эбит.
138