Page 143 - Литература 6 кылаас 2 чааhа
P. 143
куров—Чаҕылҕан «Герой туһунан ырыа» хоһоонун ырытан
көрүҥ:
— хоһоон кэрчиктэрин (строфаларын) ахсаанын чуол-
кайдааҥ;
— кэрчиктэргэ устуруока ахсаана, устуруокаҕа сүһүөх
ахсаана хастыыный, бу хоһоон куоруматыгар туох
суолталаммытый?;
— хоһоон кэлиҥҥи сүһүөхтэрин дьүөрэлэһиилэрин, риф-
ма көрүҥнэрин быһаарыҥ.
Ааҕыы, сэһэргэһии
ИННОКЕНТИЙ ИВАНОВИЧ АРТАМОНОВ
(1928—2006)
Мин мантан сэриигэ барбытым
Мин мантан сэриигэ барбытым
Кыракый балаҕан дьиэбиттэн,
Ыраахха диэритин кэтэһэн
Турбута кырдьаҕас мин аҕам.
Мин мантан сэриигэ барбытым
Оскуола чуораанын хаалларан,
Саас буолан чыычаахтаах чараҥым
Симэммит хатыҥын аттынан.
Мин мантан сэриигэ барбытым
Илиҥҥи саһарҕам аннынан,
Колхоһум соноҕос атынан
Суол буорун бурҕатан ааспытым.
Мин мантан сэриигэ барбытым
Бар дьонум алгыһын ыламмын,
Далбаатыы хаалбыта алааһым
Будьурхай баттахтаах тыатыныын.
143
