Page 147 - Литература 6 кылаас 2 чааhа
P. 147
быыппастан кыынньыбат, Сырбай курдук тойонун сирэ-
йин-хараҕын кэтэһэн, элэ-сала көтөн эккэлээбэт.
Сэттистэрэ, бэриэтчик Баһырҕас, атыттар курдук сыа-
ба суох, босхо сылдьар. Билигин тордох аанын аттыгар
таба тэллэххэ түүрүллэн сытар.
Төһө да сэттиэн сэттэ аҥыы быһыыламмыттарын-май-
гыламмыттарын иһин, аналларын-өлүүлэрин сэттэ аҥыы
ыарык оҥоһунналлар да, күн ахсын бары биир наартаҕа
көлүллэр бары биир кыһалҕалаахтар. Көлүүр ытын ыар
аналын наарта тэҥҥэ үллэрэр… Эт-сиин иэнигийэр, са-
наа тууйуллар ыар анала...
Кустукка өссө син даҕаны. Бу маны онуоха-маныаха
эрэ диэри тулуйуллуохтааҕын билэрэ киниэхэ күүһүгэр
күүс эбэр. Ону билбэтэ буоллар, Кырбый курдук, синигэр
да түһүөн сөп этэ. Өтөр Иччи-Охоноон кэлэн кинини ман-
тан илдьэ барыахтааҕа. Бу Байбал кинини уларсык ылан
сылдьар. Иччи кэлиэр диэри тулуйуохха эрэ баар. Кустук
куһаҕан быһыытынан иччитин хомотуон баҕарбат. Охо-
ноон ытын наһаа таптыыр, ытынан киэн туттар. Бу күн сирэ
бүтүннүү Иччи тула эргийэр. Туох барыта Иччи туһугар. Ба-
рыта Иччиттэн тутулуктаах. Киниэхэ итэҕэлтэн, эрэлтэн...
Кустук тугу баҕарар тулуйуо. Өскө ол Иччи туһугар
буоллаҕына. Бу ыар олох, атаҕастабыл, бэл, кырбаныы
барыта быстах... Оттон Иччи өрүү баар.
Ааспыттарын кэннэ ахтан да сатаан араарбат үгүс маа-
рыннаһар күннэр курдук, эмиэ биир саҥа күн саҕаланна.
Байбал сарсыардаттан силбиэтэнэн туруута бэрдэ суох
билгэ буоларын билэр ыттар уку-суку сырсан истилэр.
Бүгүн ыраах хотугу сирдэрин кэрийдилэр. Өтөрдөөҕүтэ
сылдьыбакка, суол-иис ончу мэлийэн, сыарҕа сыҥааҕа
кытаата илик саҥатык хаарга батары түһэн, ордук ыараа-
та быһыылаах. Саба тибиллибит сохсо аайы тохтоон, Бай-
бал булдун сэбин сөргүтүөр, мэҥиэтин уларытыар диэри
тыын ылаллар. Ол утарынан эрэ үчүгэй курдук эрээри,
дьиҥэр, быдан илистиилээх. Сырыы ахсын хаарга хам
сыстан хаалбыт сыарҕаны хоҥноро тардар ордук ыара-
хан. Аны туран сохсолоругар биир да кырса киирбэтэх.
Онон Байбал киҥэ-наара ордук көбөн истэ. Манна туох
147
