Page 145 - Литература 6 кылаас 2 чааhа
P. 145
Н. Лугинов бу «Суор» уонна «Кустук» диэн бэртээхэй
айымньылара кэнэҕэски да кэмнэргэ саха литературатын
көмүс фондугар баар буолуохтара, ханнык да обществен-
най быһыыга-майгыга, киһи олоҕу, кэрэни кэрэхсиирэ,
үрдүккэ дьулуһуута, төрөөбүт айылҕаҕа кыһамньылаах
сыһыана баарын тухары ааҕааччыны сэҥээрдэ, умсугута,
долгута, кэрэҕэ, үтүөҕэ угуйа туруохтара.
Д.Е. Васильева
Ааҕыы, ырытыы
Кустук
(Быһа тардыы)
Хайа да диэки хайыс — ханна да харах хатанара суох
туундара биир кэрис иччитэ суох үп-үрүҥүнэн туналыйа
сыппыта.
Киэһэттэн сыыйа эрчимирэн, саҥа буркун сиксиллэн
турбута. Хаар ытылҕана урукку тыал кэнниттэн тахсыбыт
эргэ суолу-ииһи барытын саба тарыйан баран, хаарга
эмиэ саҥа таҥалайы таһаарда. Халлаан сулустара, тыалга
күөдьүйбэхтиир кутаалар курдук, сириэдийбэхтээн ылал-
лара. Болҕойон көрдөххө, кинилэр бары Халлаан хараҕа-
тын — Хотугу сулуһу тула сырсаахтыыллара. Киэһэ илин
эҥээргэ көстөр сулустар сарсыарда соҕуруулуу арҕаа
диэки айаннаан тиийбит буолааччылар.
Тыал хантан эрэ бөрөлөр онолҕоннорун аҕалла. Бу
уйаара-кэйээрэ биллибэт киэҥ куйаарга аҥаардас ки-
нилэр эрэ тулаайах хаалан сордорун суланарга дылылар
да, кинилэри истэн өйдүөх, аһыныах эмиэ суохха дылы.
Туундара хабайар хаба ортотугар хас биирдиилэрэ
тус-туһунан майгылаах, быһыылаах, дьылҕалаах эрээри-
лэр, туораттан көрүүгэ бары маарыннаһар мөссүөннээх
сэттэ дууһа токуччу туттаннар, сорохторо утуйа, сорохто-
ро көннөрү нуктуу тоҥоннор, ибигирии сыппыттара. Ки-
нилэр сэттиэн ыт сэбэрэтэ сэбэрэлээхтэрэ. Ол иһин буо-
145
