Page 149 - Литература 6 кылаас 2 чааhа

тытык туталларын иһин ыттар бары кинини истэригэр
абааһы көрөллөр. Үчүгэй аҕайдык саба түһэн уобалаан
биэриэхтэрин, Байбал көмүскэһиэҕиттэн толлоллор.

Байбал кэргэнин, оҕолору кытары кэлбит таһаҕаһы хос-
поххо таһан бүтэрдилэр. Наартаны туруору тутан олбуор-
га өйөннөрдүлэр, буочак быатын бэрийэн көхөҕө ыйааты-
лар. Кэтэспит санааҕа өр да кэм ааста эрээри, дьиэ аана
аһыллыбата. Иччи-Охоноон тахсыахча тахсыбата. Дьон
киирбиттэрин да кэннэ Кустук өссө өөр да өр хараҕын
аантан араарбакка кэтэһэ олopдо.

Охоноон кэлбэтэх... Ол аата кэтэһии өссө да бүппэтэх
эбит. Ону хайыаҥый? Тулуйа сатыахха. Иччи-Охоноон кэ-
лиэ. Хайаатар да кэлиэ.

? Ыйытыылар уонна сорудахтар

1. Кэпсээн киириитигэр туундараны ойуулааһын туох са-
нааны үөскэтэрий?

2. Эһиги санааҕытыгар, тоҕо хотугу сулуһу «халлаан ха-
раҕынан» ааттыыр эбиттэрий?

3. Суруйааччы: «Сэттэ дууһа токуччу туттаннар, со-
рохторо утуйа, сорохторо көннөрү нуктуу тоҥоннор,
ибигирии сыппыттара. Кинилэр сэттиэн ыт сэбэрэ-
тэ сэбэрэлээхтэрэ», — диэн ойуулааһына ааҕааччыга
туох санааны үөскэтэрий?

4. Хас биирдии ыт уратытын суруйааччы киһи майгы-
тын кытта дьүөрэлээн ойуулуур. Дьиҥэр, оннук буолуо
дуо? Туох дии саныыгыт?

5. Кустук атын ыттартан туох уратылааҕый? Кини хор-
сун санаатын, иччитигэр тапталын туоһулуур тылла-
ры булан устуҥ.

6. Кустук тоҕо иччим кэлэн ылыа диэн бүк эрэнэрий?
7. Кустук олоҕун бастыҥ баҕата — иччитигэр тиийии,

ону ситиһэр инниттэн кини ханнык эрдээх санааны
тутуһарга быһаарынарый?
8. Таһыыр, накаастабыл — ыттар ону хайдах ылыналла-
рый? Бу көстүү дьон олоҕор майгынныыр дуо?

149