Page 151 - Литература 6 кылаас 2 чааhа
P. 151

хэ утары ыстаммыта. Онуоха эмиэ Кустук сиритэ-хайыта
сыстарбытынан кыыл иннигэр түспүтэ. Кэтэһиилээх саа
тыаһа иккиһин ньиргийбитигэр эһэ хардьыгыныы-хардьы-
гыныы сууллан түспүтэ. Амырыын баппаҕайынан сири
таһыйбахтаан баран, иҥиир ситиитин тартаран дьигиһий-
битэ. Оо, онно үөрдэхтэриэн! Киһи уонна ыт тэҥҥэ үөрэн,
тэҥҥэ өйдөһөн хардарыта махтаннылар да этэ…

    Туундара ньуурун курдук биир кэм маарыннаһар күн-
нэр ааһан истилэр. Кырбый Байбалтан кырбанан өлбүтүн
да кэнниттэн туох да уларыйбата. Барыта уруккутунуу, ич-
читэ суох биир күдьүс үп-үрүҥүнэн унаарыйа-тунаарыйа
сытта. Кустук Иччи-Охонооно кэлэригэр эрэлэ мултуйан
истэҕин ахсын, аны атын санаа үүйэ-хаайа тутта. Аны
кини сыаптан эрэ төлө көтүөн баҕарар. Хайдах да буол-
лун, мантан күрүүрдүү букатыннаахтык быһаарынна.

    Онтон урукку курдук, утарынан атаҕастабыл абата,
эт-хаан эймэлгэнэ бүтүннүүтэ ханна эрэ тэйбиккэ дылы
гынан, улам ыйыллан, тыҥаан иһэр кэтэһиигэ кубулуйда.
Түүнүн күнүһү, күнүһүн түүнү кэтэһэр муҥа бары эрэйи
баһыйда.

    Ону арай кылгас түгэҥҥэ сыап ыаллыыр абытайа бил-
лэрдэр даҕаны, кэнникинэн ол үөрүйэххэ кубулуйан, өрүү
буоларыныы, ыйылыы-ыйылыы, бааскын саланаҕын, сал-
гыы сүүрэн сэлбэҥниигин.

    Түүнү супту бөрөлөр, уруккуларын курдук, улуйан оно-
луһаллар. Туох ааттаах муҥа быһа мииммит муҥнаахтара
эбиттэрэй? Бөрөлөр туундара көҥүл баһылыктара буо-
лалларын билбэккэ, омоско истибит киһи кинилэри хаар-
га хаалбыт ыт оҕолоро диэххэ дылы.

    Бөрөлөр ити кими ыҥыраллара буолуой? Эбэтэр кимиэ-
хэ тугу этэ сатыыллар дуу? Баҕар, кинилэр, эмиэ, Кустук
курдук, иччилэрин сүтэрэн муҥнаналлара буолуо дуу?

    Көҥүлү кыыл табалар аҕалбыттара. Урукку түүннэртэн
уратыта суох биир чуумпу түүн үөһүн саҕана эмискэ тус
хоту диэкиттэн сүрдээх үгүс үөрдээх кыыл табалар кын-
таһыйа сырсан, отой чугаһынан бу күдээриһэн кэлбиттэрэ.

    Ыттар бука бары ойон туран үрэн маргыспыттара. Кус-
тук сыаптааҕын да умнан, күүһэ баарынан табалар диэки

                                                                                                                    151
   146   147   148   149   150   151   152   153   154   155   156