Page 155 - Литература 6 кылаас 2 чааhа

Одьулуун нэһилиэгэр олохтоох Уус Баасканы истэр
инигин. Ол киһи ыта. Төрдүнэн ыллахха, Токо эбэҥкилэ-
риттэн төрүттээх. Удьуордара кииһи, тайаҕы бултааһыҥҥа
дьоҕурдаахтара эбитэ үһү. Ол киһи атыыр ыт оҕото төрөтөн
ыл диэн уларсыбыта. Онтубут баара кураанаҕы куустара-
ра кэллэ. Буоһаабата быһыылаах. Өтөрүнэн төрүүр-ууһуур
чинчитэ тоҕо эрэ биллибэт. Иччитэ Бааска сылга биирдэ
хайаатар даҕаны төрүөхтээх диэн уоскутар. Онон төрдө
куһаҕана суох ыт. Төрүүрэ буоллар чахчы үчүгэй оҕону
биэриэхтээх этэ.

— «Күтүөттэр» олус элбэхтэрэ буолуо. Доҕоор, онон
бүччүмнүк мин ыппар илдьэн иссиһиннэрдэхпитинэ хай-
дах буолуой ээ? Мин Баһырҕаһым даҕаны сөбүгэр булчут
ытынан биллэр. Үчүгэй төрүттээх ыттан хаан ылан хаа-
лыахпыт этэ буоллаҕа. Арааһа, үчүгэй төрүттээх ыт буолан
мөлтөх ыттартан куота көтөн эрдэҕэ. Сирэй-харах олоруу-
та үчүгэй ыта быһыылаах. Илдьэ барабын дуо? — диэтэ
киһим туран.

Ыт оҕотун булунарга наадыйар киһи биэрэн ыыттаҕым
дии. Нэдиэлэ кэриҥэ буолан баран, ыппытын төттөрү аҕал-
лылар. Арай ытым нус-хас буолбукка дылы. Наар биир сиргэ
хам-бааччы сытар идэлэммит. Уруккутун курдук тэһииргээбэт.
Атыыр ыттар даҕаны кэлбэт-барбат буоллулар. Арааһа, били
баҕалаах дьыалабыт олоххо киирэрэ чугаһаатаҕа, ити аата
буоһаабыт буоллаҕа. Тыһы ыт буоһаабытын биллэхтэринэ,
атыырдар чугаһааччылара суох дииллэрин истэр этим. Итин-
ник бүөмчү санаан күлүкпүтүгэр имнэммиппит.

Биир күһүнҥү күн туран ыппыт таһы-быһа сүтэн хаалла.
Ыҥыран көрбүппүт да мэлийбиппит. Көрдөөн көрдүбүт —
ханна даҕаны көстүбэт. Синньэ улаатан, таҥнары на-
мылыһан эйэҥэлииллэринэн сылыктаатахха, төрүүр-ууһуур
киэбин ылыныах курдук буолан эрэрэ. Оҕолоруттан көҥөн-
нөҕө, саһан төрүүргэ быһаарыннаҕа. Дьиэ кэргэн дьоно
бары сэмээр от-мас аннын өҥөйтөлөөн көрдүү сатаатыбыт.
Ыппыт сүппүтүн курдук сүтэн хаалаахтаатаҕа үһү.

Арай биир күн, үөрүөхпүтүн быатыгар, ыппыт барахсан
эмиийдэрэ эйэҥэлээбитинэн бу тиийэн кэлээхтээбитэ.
Амньыраабыт, ырбыт ахан. Киниэхэ төрөөбүт-ууһаабыт

155