Page 158 - Литература 6 кылаас 2 чааhа

даҥнар. Үөрбүтүм, долгуйбутум бэрт буолан, илиибэр
ылан көрөттөөбүтүм лис курдуктар. Ийэлэрин эмиийдэрин
тумуктарын сүтэрэннэр, ньып-ньырылас үлүгэрдэр. Ытым
барахсан ийэ кута киирэн, оҕолорун сүр минньигэстик хас
биирдиилэрин салаталаан ылаттыыр.

— Доҕоор, манна кэлэн оҕоломмуккун дуу. Маладьыас,
сүрдээх үчүгэйкээннэр. Чэ, тур, дьиэбитигэр барыахха,
үөрүүбүттэн ыппын кууһан ыллым. Имэрийдим-томоруйдум.

Ийэ ыт хараҕа сүрдээх сылаас уотунан тырымнаата.
«Чэ, барыахха даҕаны. Оҕолорбун хайдах илдьэбитий»
диэбиттии эккэлээтэ, сирэйбин салаамахтаата.

Мин, тас соммун устан ылан, ытым оҕолорун суулаа-
тым. Ытым куолутунан инникилээтэ. Биһиги ити курдук
айаннаан дьиэбитигэр тиийдибит. Дьонум үөрдүлэр-көт-
түлэр. Ийэбит ыппыт төрөөбүтүн бэлиэтээри саламаат
оҥорор түбүгэр түстэ. Уолбунаан саҥалыы оҥорон, ып-
пыт уйатын кэҥэтэн биэрдибит.

Ити киэһэ Сиидэри ыҥыран, үөрэ-көтө олорон саламаат
сиэтибит. Булчут киһиэхэ ыппыт оҕолорун билгэлэттибит.

— Көр, бу икки үнүгэстэр атыырдар. Хор эрэ, иккиэн
тэбис-тэҥҥэ систэрин кэдэтэллэр. Итинник кэдэрийии-
ни үчүгэй ыт буолар чинчилээх үнүгэстэр эрэ оҥороллор.
Куһаҕан ыт тахсар үнүгэһэ буоллаҕына, инчэҕэй таҥаһы
ыйаабыт курдук, талбааран баран турааччы. Илин атахта-
рынан чарбачыһан систэрэ кэдэйээччилэрэ суох, — диэн,
киһини эрэ итэҕэтэрдик быһаарда.

— Доҕоор, Сиидээр, ытыҥ оҕотун харахтаннаҕына ылар
инигин. Хайа, ийэтин эмэ түһэрэ ордук буолуо суоҕа дуо?

— Оннук ээ. Оннук. Сөбүлэһэбин. Доҕоор, үчүгэй ыт
аҕыйах оҕолоох буолар дииллэр ээ, билээччилэр. Барах-
санын баара адьас хаанын ыһыктыбат эбит ээ. Борбуйда-
рын көтөхпүттэрин кэннэ биирдэ... Таҥара көмөлөспүт —
биирдии үнүгэһи ылар дьон буолбуппут.

— Оннугун оннук да, Баһылайбыт мэлийэригэр тиийдэ
дии.

— Хайыахпытый, инньэ диэммит. Биирдэрэ тыһы буолан
хаалбытын кэннэ. Кырдьыгынан кэпсиэхпит буоллаҕа. До-
ҕоор, ытым оҕото таҥалайын төрдүгэр мэҥнээх эбит дии. Көр
эрэ, итини эмиэ үчүгэй билгэҕэ киллэрээччилэр. Ситинник

158