Page 162 - Литература 6 кылаас 2 чааhа

атахтарын түөһүгэр сыһыары туттубутунан түүтүн-өҥүн
көннөрүнэн, үчүгэйин көрдөрүөн баҕарбыттыы, хаарга
күөлэһийбитэ. Онтон ойон туран Васёгу түөһүттэн тайанан
туран, өрүтэ ыстанан иэдэһиттэн салаабыта, эйэргээн эк-
кэлээбитэ.

— Тоойуом, чэ, ыккын алҕаа. Үчүгэйдик сырыттын.
Соргулаах, байанайдаах булчут ыт үтүөтэ буоллун. Чэ,
дьону тутума. Ыккын кытары быраһаайдас, — диэтим тиэ-
тэтэ-саарата.

— Ээ, оннук, оннук, — Өндүрэй сөбүлэстэ.
— Доҕорбут, Доҕоор, үчүгэйдик сырыт, — диэтэ уолум
уонна ыта барахсаны сүүһүттэн сыллаан ылла, көп түүтүн
иэдэһигэр сыһыары тутта. Ол кэннэ массыынаҕа диэри
ытын оҕотун көтөҕөн илтэ.
Сотору кэминэн уолум уку-сакы соҕус буолан төннөн
кэлээхтээтэ. Ытын сүрдээҕин аһыйбыта сирэйиттэн-ха-
раҕыттан көстөрө. Онтун биллэримээри эбитэ дуу:
— Аҕаа, биһиги Доҕорбут булчут буолар ини? — диэн
ыйытта.
— Тоойуом, ити Өндүрэй Ноҕуруодап — төрүттээн ту-
ран булчут киһи. Булчуттар сынык буолааччылар. Билбитэ
буолуо. Хата, биирдэ эмэтэ Доҕорбут чалбараҥар олорор
дьон буоллахпыт буолуо. Биһиги Доҕорбутуттан хайаатар
даҕаны ыт бастыҥа тахсар чинчилээх.
— Оннук буоллаҕына сөп.
Кырдьыгы кистээбэккэ эттэххэ, Доҕору дьиэ кэргэн
дьоно бары аһыйбыппыт. Кини бастакы булдун туһунан су-
раҕы истэр баҕа санаа биһигини тэҥинэн кууспута. Доҕор
күн сирин көрбүтэ баара-суоҕа бэһис эрэ ыйыгар үктэннэ.
Сүрэхтээх киһи аһыйа көрөр ыта дьиҥэ кини этэ. Кинини ах-
тыбатах күммүт диэн суоҕун кэриэтэ. Чахчы, ымыылаах ыт
буолан, ити курдук киһи өйүттэн-сүрэҕиттэн ааһан-араҕан
биэрбэт эбит буоллаҕа. Ымыылаах, киһи санаата кэлэр
ыта, байанайдаах буолааччы диэччилэр кырдьаҕастар.
Доҕор, ыппыт барахсан, байанайдаах буол, соргулаах-
тык сырыт! Сүрэхтээх киһи аһыйа көрөр, курдары тардыс-
тар ыта диэн, дьиҥэ, эн буоллаҕыҥ. Айылҕаҥ тардыыта,
соргуҥ тускула, Доҕор, дьоҕургун толору арыйдын!

162