Page 161 - Литература 6 кылаас 2 чааhа

даҕаны сатаммат. Үрэххэ таҕыстаххына, эрэнэриҥ эрэ
диэн ытыҥ буолааччы. Эһиги ыккыт оҕотун ымыылаах
ыт буолсу дуу диэн сыныктыыбын. Идэлээх ыты сайын-
нардахха, идэтэ тахсар баҕайыта. Ыт идэлэннэҕинэ, бул-
туур-алтыыр буолар. Үрэххэ таһааран бултуурга-алтыыр-
га үөрэтиэхпит этэ буоллаҕа. Ытыҥ булчут ыт буоллаҕына,
эн аатыҥ ааттаныаҕа. Ытыҥ чахчы үчүгэй ыт буоларыгар
баҕарар буолуохтааххын. Онон ыккын биһиэхэ аҕал. Ол
оннугар бу Буорах диэн ыты биэрэбин. Аны саас ыккын
көрө таарыйа биһиэхэ кустуу тахсаар, сөп дуо? Кэлин
биирдэ эмэтэ тайахтаһыаҥ да буоллаҕа дии бачча киһи,
доҕоор, — Өндүрэй Ноҕуруодап ылыннарыылаахтык, ол
эрээри эмиэ даҕаны күөйэ-хаайа соҕус эттэ.

— Аҕам инньэ диэбитэ. Ыт идэтин хаайар сатамматын
туһунан. Баҕардар кырдьык булчут ыт буолуоҕа. Ылыҥ, —
Вася ытын Доҕору харыһыйдар даҕаны, өбүгэ саҕаттан
тиийэн кэлбит ыт идэтин таһаарыллыахтаах диэн өй-
дөбүлгэ хаайтаран, сөбүлэспитэ.

— Сиэним, маладьыас! Ити эр киһи сиэринэн, өрө
көтө түспүтэ.

Кэпсэтиибит табыллыбытын биллэрэн харахпынан им-
нэммитим, ону Өндүрэй өйдөөбүтэ.

— Сиэммэр ыт бастакы булдун күөйэн-хаайан биэр-
дэҕинэ, амсатыаҕым, сөп дуо? Аны саас хайаатар даҕаны
кустуу биһиэхэ тахсаарыҥ.

— Ыт бастакы булдуттан хайаатар даҕаны тииһиннэх-
питинэ сатанар. Саха дьонун үгэһэ былыр-былыргыттан
оннук этэр, — мин сиэр-туом ситэри тутуһуллуохтааҕын
чиҥэтэн биэрдим.

Өндүрэй Ноҕуруодап ыта түөрт харахтааҕа. Модьу-таҕа
атахтардааҕа. Кытархайдыҥы хара дьүһүннээҕэ. Баара-
суоҕа ахсыс эрэ ыйыгар үктэммит ыт этэ. Дьиэ-уот ха-
рабылыгар, тэлгэһэ иччитигэр анаан төрөөбүккэ дылыта.
Кэлээт даҕаны тас аанҥа сытынан кэбиспитэ.

Ып-ыраас, айыыта-харата суох харахтарынан арылыччы
көрөн, кэлбит дьону эккэлии көтөн, Доҕор өссө тупсубукка
дылы буолбут этэ. Атастаһыыга баран эрэбин диэн бөрүкү
санаабат быһыылааҕа. Куолутунан тиэрэ түһэн, илин

161