Page 157 - Литература 6 кылаас 2 чааhа

ини. Аны оҕолор ылыахтара, урутаан буллахпына сатанар.
Эчи, кэтэспитим-манаспытым да бэрт. Уо, таҥара баар
буоллаххына, эрэйбин төлөө» дии санаатаҕым үһү. Хор,
киһи ити курдук баҕардын-баҕарбатын даҕаны син араас
эрэйгэ киирэн тахсар диэтэҕиҥ.

Ити санаабын аргыс оҥостон, аргыый хааман истим.
Били дорҕоонум адьас чугас баарга дылы. Улам-улам
биир тардыылаах ньырылас дьүрүлгэҥҥэ майгыннаан
барда. Чахчы, ыт оҕолоро ньырылаһаллар! Чахчы кинилэр!
Саҥалара сир түгэҕиттэн иһиллэргэ дылы. Абына-табына
чөмөхтөммүт абырҕаллар анныларын чинчийэн көрөргө
быһаарынным. Ыппын ыҥырыахпын тутуннум. Көрдүүрбүн
биллэҕинэ, эдэр ыт оҕотугар көҥөс буолар майгыта киир-
бит буоллаҕына, адьас кирийэн хаалыаҕа диэн дьаах-
хаммытым. Саҥа хоту тиийэн чөмөх абырҕалы арыйа бат-
таатым. Ытым барахсан түүрүллүөҕүнэн түүрүллэн баран,
муннун оҕолоругар анньан сытаахтыыр эбит. Үүт-үкчү
бэйэтин курдук муус маҥан үнүгэстэрдээх. Баара-суо-
ҕа — үһүөлэр. Бэйэлэригэр холооно суох бөдөҥнөр-са-

157