Page 156 - Литература 6 кылаас 2 чааhа

киэп-таһаа киирбит этэ. Олуһун аччыктаабыт, хабыалаа
да хабыалаа буолла. Ол кэннэ тэһийбэтэх-тулуйбатах
көрүҥнэннэ. Туохха эрэ курдары тартарардаахпын диэ-
биттии ыйылаата. Сирэйэ-хараҕа сырдаабыта сүрдээх.
Куолутунан тотон-ханан, махталын биллэрэн эккэлээмэх-
тээн ылла уонна эмискэ ыйылыы түһээт, соруктаах курдук
тус хоту ыстана турда. Сотору кэминэн кутуруга от-мас
быыһынан субуруҥнаан эрэ хаалла.

Оҕолоругар барбытыгар холуйдубут. Аны туран ыппы-
тын көрдүүр түбүгэр түстүбүт. Бэл оннооҕор кыраҕа өҕүл-
лүбэт бэйэтэ Сиидэр Балаанап ыт төрөөбүт сураҕын ис-
тэн көрдөстө.

— Айыым таҥарам! Атыыр оҕото элбэх соҕуста бэ-
рис! — диэтэ. Хаамарыттан көлөһүн-балаһын алынна. Он-
туттан бэйэтэ даҕаны кыбыһынна быһыылаах. Салгыы саҥа-
ран дабдыгыратта. — Тыаҕа хаампатаҕым быданнаабыта бу
тэптэ. Биир үксүн ол да иһин көлөһүнүм сарт түһэр. Быйыл
күһүн тайҕабар таҕыстахпына, хаабар түһүөҕүм. Хаар ха-
лыҥыы илигинэ хаама-сиимэ түһэн ылыам этэ буоллаҕа.

Ити күн көрдөөн мэлийдибит. Нөҥүө күммэр үлэбиттэн
кэлээри солооһуну таарыйан ааһарга быһаарынным. Бу со-
лооһуну икки сыллааҕыта үрдүк күүрүүлэх электричество
линиятын киллэрээри оҥорбуттара. Өйбүттэн ытым арах-
сан биэрбэт. Күн арҕаалаабыт этэ. Сардаҥа аҕаан тыа иһэ
сымнаабыта, киэркэйбитэ сүрдээх. Чыычаахтар барахсат-
тар киэһээҥҥи аһылыктарын булунар кэмнэрэ буолбут.
Чырып-ирип саҥара-саҥара көтөн тирилэһэллэр. Бу тү-
гэҥҥэ чыычаахтары көрөр олус үчүгэй. Киһи ис-иһиттэн
ырааһырбыттыы сананар. Сүрдээҕин чэбдигирэр.

Аргыый хааман истим. Арай туран сип-синньигэс эмиэ
да ыйылыырга, эмиэ да иһиирэргэ майгынныыр тыас
диэтэххэ тыас буолбатах, саҥа диэтэххэ саҥа буолбатах
иһиллэргэ дылы буолла. Истэ сатыыбын. Сүтэ сыһа-сыһа
иһиллэр. Туох эрэ баар! Моҕотой баҕайы угуйар буоллаҕа
дуу? Эмиэ даҕаны атыҥҥа дылы, суох майгыннаабат.

Кэмниэ-кэнэҕэс ол сыыйыы синньигэс дорҕоонум ньы-
рылас саҥаҕа кубулуйда. «Ытым оҕолоро буоллахтара.
Манан ханан эрэ чугас сыттахтара. Уо, булбут киһи баар

156