Page 152 - Литература 6 кылаас 2 чааhа
P. 152
ойбута, онно туох эрэ мүччү ыстанна быһыылаах да, Кустук
омунугар босхо барбытын билбэккэ, тугу да өйдүү-дьүүл-
лүү барбакка, табалар кэннилэриттэн көтөн истэ. Аттыгар
Маҥан хатан саҥата чоргуйара. Маҥнай табалары кыта-
ры утаа-сабаа сырсан ситэ сыспыттара, онтон сарсыар-
данан улам куоттаран испиттэрэ.
Тылларын түөстэригэр түһэрэн, булгунньахха тахсан,
сэргэстэһэ сытынан кэбиспиттэрэ. Туох ханнык буолтун дьэ
өйдөөн тула көрүммүттэрэ. Маҥан моонньун быатын быһа
түспүт эбит, оттон Кустук сыабын сорҕотун соһо сылдьара.
Сынньанан баран, Кустук саарабыла суох соҕуруу — Ич-
чи-Охоноон баар сирин тускулун тутуспута. Маҥан кинини
батыһан иһэн, өтөр-өтөр куттанан тулатын көрүммэхтиирэ,
онтон кэннин хайыһа-хайыһа, кутуругун купчутан ыйылаа-
махтаан ылбыта. Сыаба суох босхо сылдьар тугун билбэ-
тэх буолан, муммут курдук сананна быһыылаах. Хайыах-
тарай? Тилэхтэрин салана сэргэстэһэ сыппахтаан баран,
икки аҥыы араҕыстахтара дии. Биирдэрэ алҕас хаалларбыт
үөрүйэх эйгэтигэр төнүннэ. Иккиһэ санаа тиийбэт ырааҕар
баар Иччитин диэки тус соҕуруу түһэ турда…
? Ыйытыылар уонна сорудахтар
1. Суруйааччы булчут ыт бэлиэлэриттэн ханныктары би-
лиһиннэрбитий? Эһиги өссө ханныктары билэҕитий?
2. Иччи-Охоноон ордук кимиэхэ эрэнэн тыатааҕылыын
соҕотоҕун киирсэрий? Ол ханнык тылларынан бэрил-
лэрий?
3. Кустук тоҕо аан маҥнай көрөр сүдү кыылыттан кутта-
нанан, уолуйан туран хаалбатаҕа эбэтэр куоппатаҕа буо-
луой? Генетика диэн наука өттүттэн быһааран көрүҥ.
4. Кустугу Иччи-Охоноон наһаа таптыыр эрээри, тоҕо
куһаҕан майгылаах Байбалга биэрбитэ буолуой? Араас
төрүөттээх буолуон сөп. Кэпсэтиһиҥ.
5. Эһиги санааҕытыгар, Маҥан тоҕо Кустугу кытары бар-
сыбата буолуой? Дьиҥ олоххо итинник быһыыны-май-
гыны истибиккит дуо? Эһиэхэ ханнык санаа, иэйии
үөскээтэ? Санааҕытын үллэстиҥ.
152
