Page 150 - Литература 6 кылаас 2 чааhа
P. 150
Кустук урукку олоҕуттан уонна билиҥҥитэ…
Биирдэ күһүн, өрүү буоларыныы, үөрэн-көтөн бултуур
сирдэригэр тахсыбыттара. Охоноон үүтээнин эрдэ сыба-
нан, кыһын оттор маһын мастанан, булдун сэбин оҥостон
кэбиһэрэ. Тыа бүтүннүүтэ ап-араҕас сэбирдэҕинэн тэл-
гэнэрэ. Түүнүн хаһыҥ түһэн, от-мас кырыанан кылапаччы-
йара. Ол кэмҥэ ханнык да булт сонордоммот. Саһылы да
көрүстэххинэ — көрбөтөх курдук туттуохтааххын. Солуута
суох үрэн, тыаны мэнээк аймаан, саакка киирэриҥ эмиэ
баар. Оччоҕо Охоноон чыпчырынан кэбиһэн баран, төбөтүн
быһа илгистиэ. Үчүгэй булчут ыт дьыл кэмин ахсын иччитэ
ханнык булду сонордоһорун өтө билиэх тустаах.
Биирдэ, үүтээннэриттэн тэйиччи баар сайылыктан ма-
ныыһыт оҕонньор кинилэргэ кэлэн Охонооҥҥо, бэрт тиэтэ-
линэн, тугу эрэ кэпсээбитэ. Сирэйдэриттэн сабаҕалаан,
Кустук туох эрэ уһулуччу сурах кэлбитин сэрэйбитэ эрээ-
ри, дьиҥ туоҕа-ханныга кэлин биирдэ арыллыбыта.
Сайылык биир алааһын саҕатыгар эһэ ынаҕы тарпыт
этэ. Сиэҥин аттыгар аһары ыарахан амырыын сыты хаал-
ларан барбытын Кустук ыраахтан билбитэ. Улахан булду
сонордоһор кэмҥэ Охоноон наар ытын кэтэһэрэ, кини тут-
тарыттан-хаптарыттан бултаһар кыыллара хайдаҕын-тугун
сабаҕалыы сатыыра. Ыта эмиэ иччитин быһыытыттан ки-
ниттэн тугу кэтэһэрин өтө сэрэйэрэ. Ол курдук кэпсэтэр
кэриэтэ толору өйдөһөллөрө.
Кустук, иччитэ кыылы кытары соҕотоҕун күөн көрсөрдүү
санаммытын билэн, эрдэттэн суоһурҕанан, арҕаһын
түүтүн адаарытан, лаппа инники испитэ. Бэс чагданы кы-
тыытынан кэрийэннэр, эмиэ да кылыкына талах быыстаах
хойуу ыркыйга тиийиилэригэр, кыыллара утары тахсан
кэлбитэ.
Кустук урут эһэни илэ-бааччы көрө илигэ эрээри, сон-
но тута өбүгэлэрин үөрүйэхтэрин өйдөөбүтэ.
Кыыл тыа баһа сатарыаҕынан часкыйа-часкыйа аһаҕас
сиринэн Охонооҥҥо уун-утары көөһөкөччүйэн тахсыбы-
та. Кустук кинини уҥа өттүнэн эргийэ көтөөт, сыалдьаты-
гар ыйана түспүтэ. Сол түгэҥҥэ сыаллаан, Охоноон ытан
саайбыта. Эһэ часкыйбытынан холоруктуу түһээт, киһиэ-
150
