Page 159 - Литература 6 кылаас 2 чааhа

бэлиэлээх ыт үрүгэн буолар диэччилэр. Киһи астынара баар:
ыттарбыт үрүҥ дьүһүннээхтэрэ. Үрүҥ дьүһүннээх ыты ымыы-
лаах буолар диэччилэр. Тайахчыттар үрүҥ ыты сөбүлүүллэр.
Бэл оннооҕор туундара хааһа үрүҥ ыты кырсаҕа холуйан, сы-
мыытыттан көҥөөтөҕө буолан, кый ыраах угуйан илдьэ баран
хаалааччы. Оттон үрүгэн ыт тайаҕы туруорааччы.

— Улаата түстүннэр. Көстөн-биллэн иһиэ буоллаҕа дии.
Барахсаттар этэҥҥэ буолаахтаатыннар, эгэ эрэ.

— Төкүнүһэн таһырдьа тахсан хаалыахтара, ону сэ-
рэнээр. Хараххын быраҕа сырыт. Мин аны уонча хонугу-
нан кэлэ сылдьыам.

— Кэлэ сылдьаар, кэтэһиэҕим.
Сиидэр Балаанап билгэлээбитин курдук үнүгэспит сото-
ру кэминэн кэтит түөстээх, элэккэй майгылаах-сигилилээх,
күүстээх-уохтаах ыт киэнэ бэрдэ буолан, кылбайан-кынтайан
тахсыбыта. Үрүҥэ оччо улаханнык баһыйтарбатар даҕаны са-
наа аҕай курдук кытархайдыҥы толбоннуран көстөр өҥнөм-
мүтэ. Биһиги ыппыт оҕотун Доҕор диэн ааттаабыппыт.
Доҕор биирдэ чоппуускалары эккирэтэн айдааны тар-
пыта. Иккини-хаһы эмсэҕэлэппитэ. Ол айдаарса сырыт-
тахпытына, Уус Бааска бэйэтинэн тиийэн кэлбитэ.
— Хайа, доҕоор, үтүөкэн ыт буолбут дии. Бу кыайа-
рыҥ баара булчут буолсу. Кэлэн иһэн көрдүм ээ. Сүрдээх
үчүгэйдик үөмэр эбит, — диэтэ.
— Иссиһиннэрбит киһи биир атыырбын ылла. Иккиһэ
— бу. Үһүспүт — тыһы.
— Чэ, хайыахпытый? Таҥара өлүүлээбэтэҕин кэннэ.
Уолчааҥҥар доҕор буолуоҕа. Ким диэн ааттаатыгыт, арба
даҕаны?
— Доҕор диэн.
— Сөптөөх аат эбит. Төрдүн баттаҕына, киисчит буо-
луоҕа. Идэтин таһаарбыт киһи баар ини. Дьиэ эрэ ыта оҥос-
торго кэрэгэй буолара дуу. Уолчааныҥ үөрдэ ахан ини.
Сылга биирдэ хайаатар даҕаны төрүөҕэ диэбитим дии.
Төрөөтөҕө ити дии.
Уус Бааска маҕаһыынтан ону-маны атыылаһаары уон-
на пилорамаҕа мас хайыттарар кыһалҕатын быһаарсаары,
доҕор киһи сиэринэн, сэлэһэ түһээри кэлбит этэ.

159