Page 140 - Литература 6 кылаас 2 чааhа
P. 140
быһыыны көрдөрбүттэрин иһин, Саха сирин сэрииһиттэ-
риттэн тыһыынчанан киһи үрдүк правительственнай наҕа-
раадалары ылбыта, сүүрбэччэ киһиэхэ Сэбиэскэй Сойуус
Геройун чиэстээх аата иҥэриллибитэ.
Сахалар фроҥҥа бэргэн ытааччыларынан ордук аатыр-
быттара. Сэрии бары ыарахаттарын санныгар сүксүбүт,
этинэн-хаанынан билбит Т.Е. Сметанин бу сэһэнигэр саха
саллаатын уобараһын бэрт тапталлаахтык ойуулуур. Сэ-
һэни ааҕа олорон, киһи төрөөбүт норуотунан киэн туттар
санаата күөдьүйэр. Тоҕо?
Суруйааччы Егор Чээрин үтүө майгытын, хорсун сү-
рэҕин туһунан сэһэргииригэр — бүтүн сэбиэскэй норуот
араас омуга бииргэ, биир киһи курдук биир санаанан, биир
күүрүүнэн өстөөҕү утары охсуспуттарын тоһоҕолоон бэлиэ-
тиир. Норуоттар доҕордоһуулара тулхадыйбат модун, улуу
күүс буолар эбит диэни итэҕэтиилээхтик тиэрдэр.
Биһиги бу сэһэнтэн киһи туһалаахтык олорон ааспыт
күнэ кини инники олоҕор суолтата улаханын өйдүүбүт.
Кырдьыга да, хас күн аайы киһи билиитэ, сатабыла, үлэҕэ
дьоҕура эбиллэн, сайдан, дириҥээн иһиэхтээх, оччоҕу-
на эрэ кини олоххо көрсөр ыар мүччүргэннээх түгэннэри
эрдээхтик туораан, дьоҥҥо-сэргэҕэ ордук туһаны аҕалар.
Оҕолоор, эһиги бүгүҥҥү олоххут, оҕо сааскыт эргийбэт-
тии ааһар, онон олоххут хас биирдии күнүн туһалаахтык
олорорго кыһаныҥ.
ИЛЬЯ ДОРОФЕЕВИЧ ВИНОКУРОВ—ЧАҔЫЛҔАН
(1914—1952)
Илья Дорофеевич Винокуров—Чаҕылҕан 1914 сыллаах-
ха от ыйын 31 күнүгэр Нам улууһугар, улуу Лена өрүс биэ-
рэгэр, элбэх оҕолоох ыалга төрөөбүтэ.
Кини айар тыла норуот көҥүл тыыннаах олоххо тардыс-
тыыта, олох саҥалыы укулаатын ылыныыта, үөрүүтэ, эр-
чимнээх хардыылара, Аҕа дойдуну көмүскүүр Улуу сэрии
сылларыгар тыылга бэйэни харыстаммат — «барыта —
кыайыы туһугар» — диэн, күүрүүлээх хоодуот үлэтэ, сэрии-
гэ дьоруойдуу хорсун охсуһуута, эйэлээх олох күргүөмэ,
140
