Page 135 - Литература 6 кылаас 2 чааhа

Биир өлбүт немецтэн лаппаакыны буллум.
— Ыл, Чээрин. Сэп хаалыа суоҕа. Эн Робинзон Крузо
буолбатаххын, сэрии буолбут сиригэр сылдьан, сэбэ-сэ-
биргэлэ суох эрэйдэниэҥ суоҕа, сатабыллаах, кыраҕы
эрэ буолуохха наада.
Ойууртан тахсар сатаммат, дэриэбинэҕэ киирии кут-
таллаах. Ойуурум саҕатынан соҕуруу диэки баран истим.
Бай, бу тугуй?! Саппыкы сороҕо көстө сытар. Кэлбэт.
Киһи атаҕа! Биһиги таҥаспыт. Биһиги киһибит. Хастым.
Биһиги биир саллааппытын хостоон таһаардым.
— Саа! Бу дьолу! Снайпер саата. Икки батарантааһы
тобус-толору ботуруоннар. Сиэбигэр өссө бааллар.
Дьэ бу — булуу!
Биһиги чаастарбыт чугуйууларыгар, снарядка табыл-
лан охтубут эрэйдээх буолуо.
— Доҕоруом, эн сааҥ миэхэ — снайпер Чээриҥҥэ.
Эйигин мин иэстэһиэм!
Лаппаакыбынан киниэхэ иин хастым. Көмтүм. Кини си-
ниэлин ылан кэттим. Снайперскай бинтиэпкэни туора ту-
тан, киһим иинин буоругар сөһүргэстээн олордум.
— Быраһаай, доҕоруом. Эн миэхэ кынат биэрдиҥ. Чээ-
рин билигин көтөр.

? Ыйытыылар уонна сорудахтар

1. Чээрин туох соруктаах сэрии буолан ааспыт сирин кэ-
рийдэ?

2. Кини өлбүт саллааты тоҕо көмтө?
3. Чээрин: «Эн миэхэ кынат биэрдиҥ!» — диэн, снайпер-

га туһаайбыт этиитин суолтатын быһаарсыҥ.

Ыаллыы штабтар

Ойуур иһигэр баар үрдүк боллоххо саһан сытабын.
Миигиттэн биэрэстэ кэриҥэ сиргэ ойуур быыһынан
хас да землянкалар көстөллөр.
Кинилэр иннилэригэр ыраас площадка оҥоһуллубут, тө-
гүрүччү ыскамыайкалар тардыллыбыттар, ортотугар күөх

135