Page 131 - Литература 6 кылаас 2 чааhа

тыкпат иин иһинээҕи хараҥаҕа түбэстим. Таһыттан көрөн,
мин землянка диэбитим булуус эбит.

Булууһум түгэҕин диэки харбыалаһан иһэн, туох эрэ кы-
таанахха кэтиллэ түстүм. Харбаан көрбүтүм — киһи сытар.

— Кимҥиний? — диэн ыйыттым да, саҥа суох. Илии-
бинэн бигээн, сирэйин буллум. Эмискэччи этим дьар
гына түстэ. Тыбыс-тымныы аһаҕас айахха икки тарбаҕым
киирэн таҕыста. Өлөн баран тоҥон хаалбыт киһи сытар
эбит. Атаҕын харбаан көрбүтүм, сыгынньах. Өлбүт киһи
анныгар сытар синиэли, тэллэҕин булан, туппахтаан көр-
дүм. Биһиги синиэлбит эбит.

— Хайа өрүс биэрэгэр төрөөбүт-үөскээбит барахсан,
бу кыыллар илиилэригэр хайдах түбэһэн, бу кэбилэмми-
тиҥ буолла?

Булууһум тымныытыттан, өлбүт киһини кытта маннык
хараҥаҕа бииргэ сытыыттан тоҥон бардым, синиэлбин
кум-хам тардынным.

...........................................
Ф о н Р ю л л и х. Тойон капитан, радионан тыл этиитэ
бүттэ. Билиэннэйи кытта «комедия» уурайар.
Ф о н Р и х. Билиэннэйи аҕалыахха наада. Тириитин
хастаан туран, тугу билэрин барытын этитиэхпит. Таһараа
оһох оттуллан турар дуо? Билиэннэйи таһыйар чуумпуру
кытардар уот наада.
Ф о н Р ю л л и х. Билиэннэй ээҕин эппэтэҕинэ, тыҥы-
раҕын саҕатынан анньарга миэхэ иннэ баар (капитаҥҥа
биэрэр) уонна...
...........................................
Дьиибэ ээ, мин урут да сэрии буолбут сиригэр соҕо-
тоҕун сылдьан, бэйэм дьонум өлүгүн көрдөхпүнэ, кутта-
на көрөрүм, куйахам күүрэрэ. Оттон немец айаҕын ап-
пытынан, тииһин килэппитинэн, хараҕын көрбүтүнэн да
өлө сытарыттан куттаммат этим. Билигин эмиэ куйахам
күүрэн, иэним тымныйталаан барда.
...........................................
Чээрин сытар булууһа.
Ч э э р и н (ааҥҥа харбыалаһан тиийэр). Саатар иннэ
сүллүүтүн саҕа хайаҕас суох буоллаҕа. (Аан үөһээ холуо-

131