Page 127 - Литература 6 кылаас 2 чааhа

күлтэх гыннаран баран, «буус» гына үрдэ, сабыстаҕас хааһын
аннынан Ирдонов биһигини атахпытыттан төбөбүтүгэр диэри,
төбөбүтүттэн атахпытыгар, онтон кириэстии көрөн кэбистэ.

Ирдонов тугу санаабыта буолла, оттон мин, биһиги-
ни хааллараары, разведкаҕа соҕотоҕун бараары гыннаҕа
дии санаан, кутталбыттан, сүһүөҕүм харчы уҥуоҕа атаҕым
устатын тухары сүүрэлииргэ дылы гынна.

— Дьэ ити курдук, оҕолоор. Аһаан баран миэхэ кэлээ-
риҥ. Разведка оҥорор сирбит картатын үөрэтиэхпит, —
диэтэ Шагуров.

? Ыйытыылар уонна сорудахтар

1. Николаев туохтан кэмсинэрий? Эһиэхэ манна майгын-
ныыр быһыы баар буолааччы дуо?

2. Старшина Шагуров иккис хорсун сырыытын туһунан
уус-ураннык кэпсииргэ анаан ырытыһыҥ.

Тыыннаах тыл

 «Старшина Шагуров — хорсун разведчик» буоларын итэ-
ҕэтэр санааларгытын сиһилээн суруйуҥ.

 Бу олукка ойууланар сөбүлээбит түгэҥҥитигэр уруһуй-
да оҥоруҥ, үлэҕитин тылынан ойуулаан, кэпсииргэ бэ-
лэмнэниҥ.

Өрүс уҥуор

Биһиги ити күнү быһа картаны үөрэттибит. Өрүс уҥуор
баар өстөөх оборонатын, биноклунан, стерео-турбанан
көрө-көрө картаҕа тэҥниибит.

Соҕуруу дойду сайыҥҥы түүнэ Саха сирин сайыҥҥы
түүнүттэн атын. Хараҥа. Халлаан былыттаах буолан, ый тык-
пат. Быһата, разведчик таптыыр күнэ-дьыла буолан биэрдэ.

Биһиги окуопаттан сыыллан тахсан, өрүскэ киирдибит.
Оргууй аҕай ууну кэһэбит. Ол-бу тутуур суох. Хоойго, кур-
га — гранаталар. Автоматтарбытын өрө тутан иһэбит. Сү-
гэһэргэ кэнсиэрбэлэр, суухаралар.

127