Page 126 - Литература 6 кылаас 2 чааhа

икки немец биһиги диэки үөмэн иһэллэр. Шагуров саһан
хаалар. Бастаан иһэр немец сыылаҥхайдаан ааһар. Иккис
немец доҕоруттан уонча хаамыы хаалан иһэр. Шагуровы
ааһа сыыллан истэҕинэ, Шагуров били аатырбыт эриэн
муос уктаах быһаҕынан немеһи көхсүгэ саайар. Быһаҕынан
саайарын кытта тэҥҥэ немеһи кэтэҕиттэн сиргэ эпсэри
охсор. Ол күн ардах түспүтэ, немец өлөрүгэр «тумса» ба-
дарааҥҥа буола түһэр, онон «мыык» дуу, «мээк» дуу диэн
хаһыытыыра иһиллибэккэ хаалар.

Шагуров немец муостаах кааскатын ылан, кэтэн кэбиһэр
уонна бастакы немеһи батыһа, били өлбүт немец испитин
курдук, сыыллан иһэр. Бастакы немец сотору-сотору тугу
эрэ: «һуҥ-һаҥ», — диэн саҥарар. Шагуров онуоха «Гут-
гут», — диир. Кырдьыга кини, «гут» — «үчүгэй» диэн тылтан
ураты, немецтии бэрт ахсааннаах тылы билэрэ.

Дьэ ити курдук иһэллэр. Немец тохтоон баллыгыраа-
таҕын аайы, Шагуров тохтоон: «Гут-гут», — диир уонна со-
роҕор: «Дыр-дыр», — диэн, эбии ботугуруур. Немец, ити
хоруйунан сөп буолбут курдук, иннин диэки сыыллар.

Ити курдук, «гуутурҕаһан», биһиги окуопаларбытыгар
чугаһаан кэлэллэр. Немец тохтуур, Шагуров, үөмэн кэлэн,
кэккэлэһэ сытар. Немец, биһиги диэки ыйа-ыйа, тугу эрэ
саҥарар.

— Гут, кэллибит, — диир Шагуров уонна туран таҥа-
һын тэбэнэр. Немец дьэ билэр — кини доҕоро буолбак-
ка, «русс» кинини батыһан испитин. Хараҕын эриэнинэн
көрөр, автоматын Шагуровка туһулуур.

Шагуров автоматы киэр охсор:
— Гут, чэ, барыах! — немеһи саҕатыттан ылар да,
соһон баран, биһиги диэки ыадайа турар.
Дьэ көр, старшина Шагуров — итинник разведчик.
Кини биһигини кытта бииргэ ыҥырыллыбыта дьиибэ.
Арай...
Штаб кэллэ. Үгүһү-элбэҕи уйгуурдуу барбакка, быһа
эттэххэ: биһиги разведкаҕа барар буоллубут.
Бу аналбыттан мин олус үөрдүм.
Штабтан тахсан баран, Шагуров, идэтинэн, гимнастёр-
катын тэллэҕиттэн аллара баттаата, түөһүн мөтөттө. Омурдун

126