Page 121 - Литература 6 кылаас 2 чааhа

— Табаарыс лейтенант, — диэн, Гурьянов телефоннаа-
та, — сэттис ориентирга баар талахтар төрдүлэриттэн
өстөөх снайпера куруук ытыалыыр да, бэйэтэ көстүбэт.

— Сөп, бэйэҕитин биллэримэҥ. Салгыы кэтэһиҥ.
Сотору буолаат, биһиги дьоммут диэки өттүттэн мина-
лар тыастара сирилэһэн, үрдүбүтүнэн аастылар. Талах-
тар төрдүлэригэр миналар эстэн, күрэҥниҥи хара буору
бурҕаттылар.
— Өстөөх, тоскун ыллыҥ ини...
— Баҕар... Биһиги кэтэһэн сытабыт. Биир талах төр-
дүттэн, мин көрдөхпүнэ, эмиэ буруо бурҕачыс гынарга
дылы гынна.
— Эн көрдүҥ дуо?
— Ама, итиччэ миналар түспүттэрин кэннэ орпут үһүө?
— Өстөөх снайпера соҕотох киһинэн бүтэр диигин дуо?
— Бүппэтэҕин иһин...
Киэһэ туман түстэ, эрдэ хомунан төттөрү таҕыстыбыт:
— «Булт» куһаҕан.
— «Булт» куһаҕан буолбатах, эһиги бэйэҕит куһаҕаҥ-
ҥыт, — диэтэ лейтенант, — өстөөх снайпера минанан налёт
оҥоруу кэнниттэн тыыннаах хаалбыт. Биһиги окуопаттан
быктарбыт чуучалаларбытын тэһитэ ытыалаата.
— Табаарыс лейтенант, — диэтэ Гурьянов уонна биһи-
ги иккиэммит аатыттан өссө инники киирэргэ көрдөстө, —
биһиги олус үчүгэй сири бэлиэтии көрдүбүт.
Киэһэ, хараҥа буолбутун кэннэ, Гурьянов биһикки ин-
ники кирбиини туораатыбыт. Мин эргэ плащ-палаткаҕа
соломону суулаан баран сүгэн иһэбин. Гурьянов эмиэ ту-
туурдаах.
Сарсыарда, халлаан сырдыыта, биһиги бары тэриир-
бит барыта бэлэм. Саҥа талбыт сирбитигэр сытабыт.
Биһиги сытар сирбит өстөөх снайпера бэҕэһээ сыппыт
сириттэн туора соҕус кырыыбалыы баар.
Кыылы бултуурга мэҥиэ быраҕар куолу. Гурьянов,
оҥкучах иһигэр олорон, таһыттан киирэр, санньылыйан
турар проводы аргыый аҕай тарта. Бэҕэһээ биһиги сыппыт
сирбититтэн киһи төбөтө быкта, киһи буолуо дуо, бөлүүн
биһиги оҥорбут чуучалабыт. Талахтар иннилэригэр сүүр-

121