Page 117 - Литература 6 кылаас 2 чааhа
P. 117
«Егор Чээрин» сэһэнин хайыы үйэҕэ торумнаабыт этэ
уонна дьонун аатын, атын да түбэлтэлэри уопсай сүбэнэн
чуолкайдаабыппыт. Кылгастык эттэххэ, Тимофей Смета-
нин фроҥҥа сылдьыбыт суола-ииһэ, кини доҕотторун ох-
суһуулара ити «Егор Чээриҥҥэ» уустаан-ураннаан ойуу-
ламмыта. Кинигэ геройдара: полковник Беляев (кэлин
1944 сыллаахха геройдуу өлбүт); командирдар — Лобода,
Шагуров, Квирая, Иванов; саллааттар — Ирдонов, Гурья-
нов, Самарин, Бычков, онтон да атыттар сырдык дууһа-
лаах, ыраас өйдөөх, эрдээх быһыылаах чахчы геройдар
этилэр. Биһиги кинилэри кытары балтараа сыл кэриҥэ
бииргэ сылдьыбыппыт. Олор тустарынан суруйуута Тимо-
фей Сметанин өлбөт-сүппэт кэриэһэ буолар.
Н.Н. Николаев ахтыытыттан
Ааҕыы, ырытыы
Егор Чээрин
Булт
Охсуһуу инники кирбиитигэр киирбиппит биэс хонно.
Фроҥҥа киирэрбитигэр сахаттан биһиги чааспытыгар
Николаев эрэ биһикки хааллыбыт. Уоннааҕылар атын ди-
визияларга, полкаларга тарҕаннылар.
Николаев, радист буоларын быһыытынан, атын взвод-
ка сылдьар, дэҥҥэ көрсүһэбит.
Снайпер Гурьянов биһикки доҕордоһуубут ордук чи-
ҥээн иһэр. Кини оҕолуу быһыытын, эйэҕэс майгытын мин
таптаатым.
Биһиги чаастарбыт арҕастыы барар үрдүк сиргэ үүммүт
тыа тэллэҕэр сыталлар. Өстөөх биһиги иннибитинээҕи та-
лахтардаах хотоол сиргэ баар. Антах, ыраах, бөлөх-бөлөх
харааран көстөр тыалардаах үрдүк сир көстөр. Ол кэтэҕэр
өрүс баар дииллэр.
Гурьянов биһикки инники кирбиигэ кэллибит да, били
киинэҕэ көрөрбүт курдук, ытыалаһан тибиргэтиһэн киирэн
117
