Page 113 - Литература 6 кылаас 2 чааhа

Бэйэтэ киирэн туутун көрөн таҕыста.
— Кырдьаҕас көстүбэт. Бука, эйигин атыҥыраатаҕа.
Ханна эрэ чугас соҕустан кэтии сытара буолуо...
Күнү быһа бэйэтиттэн араарбакка илдьэ сырытта.
Нөҥүө сарсыардатыгар күөлүттэн арбы-сарбы буолан
төнүннэ.
— Бэҕэһээҥҥи өлүүтүн тыыппатах. Ол аата эйигин
билиммэтэ. Хайыаххыный, бүгүн төнүннэххинэ табыллар.
Аарааҥҥа диэри атааран биэриэм. Бостуой майаачылыы
сылдьыаҕа...
Ыраахха диэри атаарда. Тохтоон, чэй өрүнэн, аһааты-
быт. Ол олорон оҕонньор хом санаатын эттэ:
— Сааһын тухары баай Байанайы кытта эҥээрдэһэн
сылдьыбыт киһи ойуурга өлүөхтээх. Мин эйигин туйах
хатарааччым буолуо диэн, кыра эрдэххиттэн Байанайга
сыһыара сатаатым да, тыыннаах айылҕа үөрэҕинээҕэр
кумааҕы үөрэҕин ордордуҥ... Биһигини, икки кырдьаҕас
дьону, былыргы сиэр-туом быһыытынан, биирбит көмүс
уҥуоҕун көтөҕүө, иккиспит баһын уҥуоҕун ытыгылыа дии
санаабытым... Икки кырдьаҕас суор, тураах аһылыга буо-
лар буоллубут быһыылаах... Иннибит кылгаата. Быйыл
кыһыны туоруубут эрэ суох!..
— Туох диэн эттэҥий, эһээ! Оттон быйыл кыһын дьоҥ-
ҥор, дэриэбинэҕэ киирэн кыстыаҥ буоллаҕа дии!..
— Суох! — быһа-бааччы этэн кэбиспитэ. Онтон олор-
бохтуу түһэн баран: — Биир амаҕаччылыыр тыллаахпын:
ханна да сырыттаргын киһилии сэбэрэҕин сүтэримэ, мии-
гин талаан барбыт тайҕа ороспуойдарын курдук буолума!
Чэ, этэҥҥэ сырыт! — сүүспүттэн сыллаан баран ойуурга
киирэн, көхсө аҕыйахта көстөн хаалла.
Эһэбин тиһэх көрүүм эбит этэ. Биир ый буолан ба-
ран, ойуурга өлө сытарын булбуттара. Киһи өлөрбүт диэн
быһаарбыттара. Баҕатын хоту, үүтээнин таһыгар кистээбит-
тэр. Миигин үөрэхпиттэн аралдьытымаары ыҥырбатахтар.
Милициялар силиэстийэлээн көрөн баран, иннин-кэн-
нин булбаккалар, дьыаланы дакаастамматынан матыып-
таан, сабан кэбиспиттэрэ.
Эһиилигэр оҕонньор үүтээниттэн чугас биир аарыма
эһэ үс киһини баттаабыт диэбиттэрэ.

113