Page 110 - Литература 6 кылаас 2 чааhа

— Онно олорор этэ... — халдьаайыны ыйан көрдөрө-
бүн. Оҕонньор кэнниттэн батыһан, эһэ олорбут сиригэр
тахсабын. Мин хаһыыбыттан соһуйан, тыаҕа ыстаммыт
быһыылаах, сир кырсын логлорута тэбиэлээбит.

— Сордоох да кисигин! Сарылааҥҥын кырдьаҕас киһи
уйулҕатын хамсаппыккын. Көр, хайдах курдук ойуолаабы-
тын! Билигин биһигини туох дии саныаҕай? Бачча улахан
киһи тугу да уһуну-киэҥи толкуйдуур диэн суох! — эһэм
мөҕө-мөҕө киирэн, туутун ииттэ, балыгы хомуйан, түөрт
бөдөҥүн талан ылан тымтайыгар укта, уоннааҕытын биир
сиргэ чөмөхтүү тарыйа тарта, онтон эһэ барбыт сирин
диэки хайыһан туран обургу соҕустук эттэ: «Кырдьаҕаас!
Кыыһырыма! Бу мин бэйэм кэллим! Акаары уолу, сиэм-
мин, кытта аахсыма! Үөрэннэҕинэ, баҕар, кэлин эйигин
ытыгылыыр киһи буолуоҕа!.. Өлүүгүн хааллардыбыт!..»

Күөлтэн тахсыыга иэним кэдэҥнии истэ. Ону таайбыт
курдук эһэм:

— Таах даҕаны, үчүгэй сүүрэн быыппастыы этэ. Кут-
танныҥ дуо?

— Кут-куттанан...
— Сыалдьаҥ кэннин тутан көр эрэ!
Өс киирбэх ыстааным кэннин туттан көрөбүн.
— Инчэҕэй дуо?
— Су-суох!.. — эһэм күлүү гына иһэрин дьэ өйдүүбүн.
Түүн, эһэ кэлиэ диэн, дьаахханан аанньа утуйбатым. Тай-
ҕа сокуонун быһыытынан, үүтээн аана хатаммат. Ол да иһин
буолуо, хараҕым аантан арахпат, сөп буола-буола, оҕонньор
көрбөтүгэр, улаҕабар кистии уктубут саабын туппахтыыбын...
Сарсыарда туубутугар миигин илдьэ киирдэ. Бэҕэһээ
хаалларбыт балыкпыт суоҕун көрөн, оҕонньор биллэ-көстө
сэргэхсийдэ.
Балыктары тымтайга хаалыы олорон, хараҕым кырыы-
тынан көрө түспүтүм — эмиэ бэҕэһээҥҥи миэстэтигэр,
эһэ кэлэн олорор эбит. Эмиэ балыгы көрө-көрө кыһыл
тылын салбанар, ыт курдук кыҥнаҥныыр. Син биир этим
тардан дьар гынна, ол эрээри тыа эһэтинээҕэр эһэбит-
тэн ордук саллабын. Түөрт балыгы тымтайбар уган баран,
уоннааҕытын биир сиргэ кутан кэбистим.

110