Page 106 - Литература 6 кылаас 2 чааhа

аҕам «фокус» оҥорор: кураанах ытыстарын көрдөрөр, он-
тон хоппоччу холбуу тутан үрэн баран нэлэс гыннардаҕына,
кэмпиэт баар буола түһэр... Аҕабыт остуоруйалыырын олус
сөбүлүүрбүт. Иллэҥсийдэр эрэ, мин тобугар, эдьиийдэрим
кириэһилэ икки өттүгэр олорон кэбиһэрбит. Аҕам сирэйин-
хараҕын араастаан тутта-тутта, саҥатын уларыта-уларыта
кэпсиир. Биһиги күлсэбит, арыт куттанан ытаары гынабыт...
Сороҕор кириэһилэ тиэрэ түһэн сыарҕа буолар, тустан-мөх-
сөн, сүрдээх көхтөөхтүк оонньуур буоларбыт...»

С.П. Ойуунускайа

П.А. Ойуунускай — олоҕун бүтэрбит киһи буолбатах, үлэ-
тинэн, айымньытынан өлүү дириҥ хара кирбиитин аһара атыл-
лаан ааспыт, тыыннаахтары кытта бииргэ олорсор үрдүк чиэскэ
тиксибит киһи. Кинини кытта биир кэмҥэ олорсо сылдьыбыт
көлүөнэ дьоҥҥо эрэ буолбатах, төрөөбүт сахатын норуотун
бүтүннүүтүн сүрэҕэр тыыннаах курдук өйдөнүллэ сылдьар киһи.

Амма Аччыгыйа

ВАСИЛИЙ ЕГОРОВИЧ ВАСИЛЬЕВ–ХАРЫСХАЛ
(1950)

Бу, баҕар, омуннааһын, оруо маһы ортотунан баһыы кур-
дук көстүө. Ону мин утарбаппын. Ханнык баҕарар үчүгэй
кэпсээн кыра эбиилээх, туустаах-тумалаах буолар. Биири
этиэхпин баҕарабын — манна кэпсэнэр түбэлтэлэри үгүстэ-
рин илэ харахпынан көрбүтүм, эт кулгаахпынан истибитим.
Кэпсиир дьонум сорохторо Амма өрүс халдьаайытын буо-
рун сымнаҕас тэллэх оҥостон сыталлар, сорохторун кытта
күн бүгүн да мин дойдубар таҕыстаххытына, илии тутуһан
дорооболоһуоххутун, айах атан кэпсэтиэххитин сөп. Оттон
кыра эбиискэтин, тууһун-туматын туһунан эттэххэ — аһара
түспүт буоллахпына, мүчүк эрэ гынаарыҥ...

Ааптар

106