Page 101 - Литература 6 кылаас 2 чааhа

саҕаттан баара. Былыргы Грецияҕа толоруу майгытыттан
көрөн, ода (хор толорор лирическэй ырыата), дифирамб
диэн лирика жанрдара бааллара. Орто үйэлэргэ лирическэй
айымньыга ода, элегия, идиллия, эпиграмма киирэллэрэ.

Лирика — литература айымньытын биир туспа көрүҥэ.
Үксүгэр хоһоон форматынан суруллар, биирдиилээн киһи
иэйиитин, дууһатын туругун хоһуйар айымньы лирика диэн
ааттанар. Лирика сүрүнэ — үксүгэр ааптар бэйэтин санаа-
та эбэтэр лирическэй дьоруой аатыттан хоһуйуллар эгэл-
гэ иэйии, санаа-оноо буолар. Билигин литература үөрэҕэр
олоҕурбут өйдөбүлү чопчулаатахха, лирическэй айымньыга
хоһуйуллар иэйии биир түгэннээх быстах санаа оонньуута
буолбатах, ааптар олох туһунан дириҥ толкуйдааһыннарын
харахха илэ көстөн кэлэр тыыннаах уобарас оҥорон, түмэн
көрдөрөр ньымата, сатабыла буолар. Маннык уратыта лири-
каны кэмтэн-кэрдииттэн тутулуга суох уһулуччу кэрэхсэбил-
лээх уонна кимиэхэ баҕарар тиийимтиэ оҥорор. Билиҥҥи
кэмҥэ лириканы пейзажнай (айылҕаны ойуулааһын), граждан-
скай (киһи уонна общество сыһыаннаһыылара), философскай
(олоҕу анаарыы) уонна таптал көрүҥнэригэр наардыыллар.

ПЛАТОН АЛЕКСЕЕВИЧ СЛЕПЦОВ—ОЙУУНУСКАЙ
(1893—1939)

Куораттан Платон Ойуунускай
тахсыбыт, митинг тэрийэн эрэл-
лэр. Ити 1921 сыллаах сааһыары
этэ. Биһиги, интернат ыччаттара,
соҕотохто күүгүнэһэ, күөдүлгэхтэһэ
түстүбүт. Бара охсуохха, киһи элбээ-
тэҕинэ, киллэриэхтэрэ суоҕа!

Таҥастыын-саптыын, дьүһүннүүн-
бодолуун, көрсүбүт дьону барытын
соһутуохха, көлүүр сүөһүтүн бүтүн-
нүү үргүтүөххэ айылаах дьон, киэҥ
алаас арҕаа саҕатыттан аймалаһан
киирэммит, таҥара дьиэтин диэки
сырсан булумахтастыбыт.

Дьон быыстала суох киирэн эрэллэр. Митиннэргэ урут
сылдьа үөрэхтээх дьон, биһиги, дьулуруһан киирэн, инни-
ки муннукка бөлүөхсэ олорунан кэбистибит.

101