Page 102 - Литература 6 кылаас 2 чааhа

— Тыл барар Платон Алексеевич Слепцов—Ойуунус-
кай табаарыска...

Ытыс тыаһа ньирилии түстэ, уруйдуур хаһыылар иһи-
линнилэр.

Хайа?! Атын оҕолору билбэтим. Оттон бэйэм чааһым ки-
нини олус мыына көрдүм. Бэйэтин көрүөм ыраах инниттэн
кини туһунан күүрээннээх үтүө номохтору, кэрэ кэпсээннэ-
ри, ырыалары истибитим эбээт. Мин санаабар, кини олоҥхо
бухатыырыгар маарынныыр толуу киһи буолуох тустаах этэ.
Манна буоллаҕына, кыра уҥуохтаах, үрүҥ кубаҕай дьүһүн-
нээх хатыҥыр баҕайы эдэр киһи сулбу хааман кэлэн, кыһыл
таҥас сабыылаах трибуна икки кырыытыттан харбаан ылан
баран: «Табаарыстар!» — диэн, күөрэччи ордоотоон кэбистэ.

Дьэ ити кэнниттэн, икки өттүнэн киэҥ-киэҥник дьалкый-
бахтаан, иннин диэки өндөҥнүү дьүккүйбэхтээн кэбиһэ-кэ-
биһэ, улам күүһүрэн-уоҕуран, уот курбуу тыллары дэхси дэ-
гэт түһэртээн, этэн-эҥсэн киирэн барда эбээт кини диэтэх
уол оҕо барахсан! Этэн-тыынан сэгэлдьитэн истэҕин аайы,
мин санаабар, кини уҥуохтуун үрдээн, дьүһүннүүн киэр-
кэйэн, улам эрчимирэн, сытыырхайан истэ. Кини!.. Бар
дьон хоһоонугар холбоспут, кэпсээнигэр киирсибит Платон
Слепцов—Ойуунускай.

Амма Аччыгыйа

Ойуунускай — саха норуотун улуу бэйиэтэ, саха уус-
уран тылын улуу маастара. Оскуола оҕолоро, ыччат бүтүн-
нүү Ойуунускайы ааҕыахтаах, билиэхтээх, Ойуунускайынан
үлүhүйүөхтээх, Ойуунускайга умсугуйуохтаах. Ойуунускай
поэзиятын саха оҕото ийэтин үүтүн кытта бииргэ эти-
гэр-хааныгар иҥэриэхтээх.

Күннүк Уурастыырап

Сахаларга Былатыан Ойуунускай аата күндүтүк иһил-
лэр. Норуот чулуу уола, кэрэ киһитэ. Платон Алексее-
вич — саха литературата атаҕар турарын түстэспит бэйиэт,
прозаик, драматург уонна науканы чинчийээччи. Урукку өт-
түгэр суруйааччы айымньыларын наар кылаас охсуһуутун,
өрөбөлүүссүйэ күүрээнин, саҥа олоҕу тутууну айхаллыыр

102