Page 98 - Литература 6 кылаас 2 чааhа

1. Айан суолун тутарбар — «айанныырбар» диэн суолтаҕа;
2. Алыс сыыдам сырыылаах аптамабыылаппынан айан-

натан иһэрбэр — массыынанан айаннаан иһии атынан
айаннатан иһэргэ маарыннатан, хоһуйуллан этиллибит;
3. Хоннохторго тоһуйан — айаннаан истэххэ, күн куула
тыа кэтэҕэр сүтэ-сүтэ көстөн кэлиитэ, тоһуйан турарга
холуллубут;
4. Суолбун түмүктээн, кэргэттэрбин булбуппар — дьиэ-
бэр кэлбиппэр диэн суолтаҕа этиллибит.
Хоһооҥҥо тэҥнэбиллэр бааллар: аламаҕай кыыс курдук,
хомойбуттуу туттунан. Эпитеттэр: аламайкаан күн, алаары-
йар халлаан, симилэхтээх сис, эрэһэлээх долгун, үйэлэргэ
өрүүтүн үтүөтүнэн үөдүйэр үрүҥ күн. Тыаһы үтүктүү баар:
сирдиргэтэн, куугунатан.

ИВАН МИХАЙЛОВИЧ ГОГОЛЕВ—КЫНДЫЛ
Саха норуодунай суруйааччыта
(1930—1998)

Сахабыт Сирэ барахсан, араас
дьикти талааннаах дьоҥҥунан-
сэргэҕинэн бэрт өртөн биллэҕин!
Эн хомоҕой тыллаах хоһоонньутта-
рыҥ, кэрэхсэбиллээх кэпсээннээх
сэһэнньиттэриҥ ортолоругар бэйэ-
тин чаҕылхай талаанынан төрөөбүт
норуотун үөрдэ-көтүтэ, үрдүккэ-
кэрэҕэ угуйа, абылыы-кынаттыы
турар — Саха норуодунай бэйиэ-
тин И.М. Гоголев—Кындыл айар
үлэтэ.
Иван Гоголев оҕо сааһа кырылас кумахтаах төрөөбүт
куоратыттан ырааҕа суох Чочу диэн сиргэ ааспыта. Кини
оҕо эрдэҕиттэн эбэтэ эмээхсин кэрэ-бэлиэ кэпсээннэрин
истэрэ, ону ааһан, саха уус-уран айымньытын бэйэлэрин
эттэригэр-хааннарыгар иҥэриммит тыа дьонун «сыҥаах-
тарын анныгар» сылдьан улааппыта. Уйбаан уол кыра саа-
һыттан сахалыы да, нууччалыы да кинигэлэри утаппыттыы

98