Page 95 - Литература 6 кылаас 2 чааhа

Тыыннаах тыл

 Бэйиэт олох ханнык өрүттэрин «Олус да кэрэ!» диэн
сөҕөн, үөрэн бэлиэтиирин быһаарсыҥ.

 Эһиги айылҕа өссө ханнык көстүүлэрин сөҕө, таптыы
көрбүккүтүн кэпсэтиһиҥ.

 Бэйиэт:
«Өрүү үтүөҕэ,
Өрүү үрдүккэ
Өрө күүрэр өй,
Өлбөт өрөгөй —
Олус да кэрэ!» — диэн, туох санааны этэрий?

АЙАР, АЙЫМНЬЫЛААХ ҮЛЭ

Хоһоон олуктарын тутуһан, Күннүк Уурастыыраптыы,
олоххо өссө тугу «олус да кэрэ!» — диэн сөҕө-махтайа, кэрэхсии
этиэххэ сөбүн хоһуйан хоһоонно айыҥ. Чэ, холобура:

«Сылаас самыыр
Сайылыкпын
Илгэ быйаҥынан ибиирэрэ —
Олус да кэрэ!»

Билиэн-көрүөн баҕалаахтарга

 Хоһоону ырытыы биир умсулҕаннаах үлэ буоларын,
литературовед Е.А. Архипова ыстатыйатыттан ааҕан
билсиҥ.

Күннүк Уурастыырап 1958 сыллаахха уһун күнү быһа күлүм
күнү кытта табыллан «аргыстаспытын» туһунан бэртээхэй
хоһоону суруйбута. Манна тыыннааҕымсытыы ньыматын та-
быгастаахтык туттан, «Аргыс-күн» уобараһын айбыта. «Айан-
ньыттар» маршруттара хоһооҥҥо анал ааттарынан ыйылла
сылдьар: Күннүктээх Күн сарсыарда Амматтан аттанан —
Элиэнэ эбэни этэҥҥэ туораан — киэһэлик Чочур Мураан тэл-

95