Page 96 - Литература 6 кылаас 2 чааhа

лэҕэр аргыстаһан кэлбиттэр. Бэйиэт киһи Күннүк Уурастыы-
рап бу айаныттан астынан, Күн-аргыһа «үчүгэйэ бэрдиттэн»
олус «үөрэн-дьоллонон» маннык кэрэ хоһоону айбыт эбит.

Күннүүн аргыстастым
Аммабыттан сарсыарда
Айан суолун тутарбар,
Аламайкаан күннүүрүм,
Аламаҕай кыыс курдук:
«Арҕаа барар буолларгын
Аргыстаһыах!» — диэбитэ.
Алыс сыыдам сырыылаах
Аптамабыыл аппынан
Алааһынан, сыһыынан
Айаннатан иһэрбэр,
Алаарыйар халлаантан
Аралыйа тыкпыта.

Симилэхтээх систэргэ
Сирдиргэтэн киирбиппэр:
«Силис-мутук охсуоҕа,
Сэрэн, оргууй!» — диэбиттии,
Сэбирдэҕи силэйэн,
Сипсийэргэ дылыта.

Куула күлүк суолунан
Куугунатан барбыппар,
Куоттараары гынным диэн
Хомойбуттуу туттунан,
Хоннохторго тоһуйан,
Кууспаҕалыыр курдуга.

Этэҥҥэтик эргиллэн
Элиэнэбэр кэлбиппэр:
«Эбэбитин биһиги
Эмиэ бииргэ туоруох!» — диэн,
Эрэһэлээх долгуҥҥа
Эрдиилэнэн испитэ.

Киэһэ, суолбун түмүктээн,
Кэргэттэрбин булбуппар,
Кэрэ Чочур Мураантан:

96