Page 92 - Литература 6 кылаас 2 чааhа
P. 92
суруйааччыларын айар үлэлэрин кытта билсиҥ, тэҥнээн
көрүҥ. Дойдугут сандал сааһын, самаан сайынын, көмүс
күһүнүн, кырыа кыһынын туһунан, уран тыл уустара су-
руйбут айымньыларын дуоһуйа ааҕыҥ, ырыа буолбут
хоһооннорун ыллаан, истиҥ-иһирэх иэйиигэ куустарыҥ.
ВЛАДИМИР МИХАЙЛОВИЧ НОВИКОВ—
КҮННҮК УУРАСТЫЫРАП
Саха норуодунай бэйиэтэ
(1907—1990)
Владимир Михайлович Новиков—
Күннүк Уурастыырап саха аймаҕы
үөрдүөн иһин үөскээбит үрдүк та-
лааннаах үтүө киһи этэ. Кини алта
уонтан тахса сыл тухары төрөөбүт
норуотун сырдык ыратын ырыа гы-
нан ыллаабыта, баҕарар баҕатын,
үлэтин-хамнаһын, кэрэ дойдутун хо-
һоон гынан хоһуйбута, саха дьонун
саҥа олоҕун алҕаабыта. Биһиги бука
бары кини суруйбут ырыаларын ыл-
лаан, туойбут тойуктарын истэн,
кэрэхсээн үөрэ-көтө сылдьыбыппыт.
Кини айымньылара биһиги олохпутун киэргэтэрэ, биһигини
үтүөҕэ, дьаныардаах үлэҕэ, истиҥ доҕордоһууга ыҥырара,
ыҥырар, кэнэҕэски даҕаны ыччаппытын ыҥыра туруоҕа.
А.Е. Мординов
Киһиэхэ, дьоҥҥо үтүө сыһыанынан баҕас киниэхэ тэҥ-
нээх, бука, аҕыйах ини. Чахчы үтүө киһи дьон үтүө өрүт-
тэрин ордук чорботон бэлиэтии көрөр идэлээх. Ким эмэ
туһунан кэпсэттэххэ, тыла наар «бу барахсаны», «бу эрэй-
дээҕи» диэн буолара.
Биирдэ Күннүк Уурастыырап Чурапчы оройуонугар
тиийэн күнү быһа дьону-сэргэни кытта көрсүбүт: күнүс —
оскуолалар үөрэнээччилэрин, киэһэтин — кулууп дьиэ-
92
