Page 88 - Литература 6 кылаас 2 чааhа

— Өйүнэн сыппах оҕолору үөрэтэр аналлаах оскуола-
ҕа ыытарга врачтар түмүктэрэ наада. Ол — дьыалаҕа суох.
Аҥаардас үөрэҕин билбэтин, уруогу көтүтэрин иһин сууттуур
табыллыбат. Онон бары күүспүтүн түмэн үлэлиэхтээхпит.

— Биһиги үлэлээн бүтэн олоробут. Эн, саҥа киһи, кы-
тааттаҕыҥ дии, — директор түөргүлэстэ.

Сергеев Дария Петровна кэлиҥҥи тылларын истибэ-
тэх курдук туран кэллэ, папкатын сабан кэбистэ.

— Дария Петровна, ол Айдаары хантан булуохха
сөбүй?

Директор чаһытын көрүннэ.
— Билигин уруок бүтүөҕэ.
Ити кэмҥэ чуораан чугдаарда. Сергеев Дария Петров-
на кэнниттэн көрүдүөргэ таҕыста. Кылаастар ааннара тэ-
лэллэ түһээтин кытта оҕолор кутуллан таҕыстылар. Сэттис
кылаастан тахсан иһэн, биир уол умса хоруйда. Доҕоро
атаҕын тоһуйан охтордо. Уол туран, гардероб диэки хар-
дыылаан эрдэҕинэ, мааҕыҥҥы атаҕын тоһуйан биэрбит
уол суумкатынан кэтэххэ оҕуста. Уол эмиэ оҕутта.
— Уоруйах, бырадьаагы! — били охсубут уол өссө
эбиитин охто сытааччыны кэннигэ тэптэ. Аллара сытааччы
хайдах эрэ атаҕа хамсыырга дылы гынна да, били охсубут,
тэппит уол тарайар тас иэнинэн барда. Онуоха маҥнайгы
уол куоска курдук сылбырҕатык ойон турда итиэннэ үрдү-
гэр баран түстэ.
— Бу баар уоруйах! Бу баар бырадьаагы! — охто сы-
тар уолу аттыы миинэн олорон сутуруга күөрэҥнээтэ.
— Айдаар, тохтоо! — директор кэлэн, уолу илиититтэн
ылан өрө тарта. — Бу баар, били «геройбут». Көрөн абы-
ран, билсиһэн кэбис!
— Сөпкө гынныҥ, Айдаар!
Уол саҥа хоту эргиллибитэ — үрдүк уҥуохтаах эдэр
киһи кэлэн кинини үөһэттэн тобулу одуулуу, мичээрдии
турар эбит. Уол итинник эрэ тылы истиэм диэбэтэх буо-
лан, кыыһырбыта ааһан хаалла.
— Ханнык баҕарар киһи бэйэтин атаҕастааһынтан кө-
мүскэнэрэ сөп, — Сергеев кэлэн уолу илиититтэн ылла. —
Айдаар, чэ, таҥын эрэ, биһиги кэпсэтэ түһүөхпүт.

88