Page 85 - Литература 6 кылаас 2 чааhа
P. 85
— Хаһан барабын?
— Ханна? — милиция лейтенана көҕөрдүммүт харахта-
ра кэҥээтилэр.
— Оттон аналлаах оскуолаҕа, — уол инспекторы уун-
утары көрдө. Ол харахтары көрөөт, биирдэрэ дьигис
гынарга дылы гынна. «Хаан өстөөҕүн эрэ киһи итинник
көрөрө буолуо. Түргэнник бу сиртэн бара охсуохха наада»
диэн санаа охсуллан ааста.
— Онно киһи дьулуспат сирэ буолуо. Көҥүл талбык-
кынан тараҥнатыахтара суоҕа, — дьахтар папкатын арый-
да. — Бары докумуоннарыҥ толоруллан бүттүлэр. Аны суут
эрэ уурааҕа тахсара хаалла. Билигин дьиэҕэр тиийэн суу-
нан-тараанан баран үөрэххин салҕаа. Сэрэн, аны биирдэ
бырадьаагы бардаххына, тугу эрэ уордаххына, өссө үөрэх-
хин көтүттэххинэ, буруйуҥ эбии улаатыаҕа. Өйдөөтүҥ дуо?
— Өйдөөтүм! — уол мантан тахса охсор эрэ санаалаах,
судургу хардарда.
— Хаһан наадыйдахпытына, ыҥырыахпыт, чэ бар, аны
өссө биирдэ ол-бу баракааһы оҥоруоҥ да...
Кэннигэр дьахтар саана, суоһурҕана хаалла.
***
Биир күн оскуолаҕа үрдүк уҥуохтаах эдэр киһи киирэн
кэллэ. Учууталлары кытта эйэҕэстик дорооболосто итиэн-
нэ директоры туоһуласта. Учууталлар директор кабине-
тын ыйан биэрдилэр.
Эдэр киһи Дария Петровна телефонунан кэпсэтэ олор-
доҕуна киирэн, бүтэрин күүтэн ааҥҥа турда. Директор ту-
руупканы уурбутугар остуолга ыкса кэллэ, тутан сылдьар
папкатын уурда.
— Мин милиция капитана Сергеев диэммин, оҕо хоһун
инспекторынан ананным, — киирбит киһи бэйэтин бил-
сиһиннэрдэ.
— Оттон Соргоева ханна барда? — директор эдэр ки-
һини чинчилиирдии аллараттан өрө көрөн таһаарда. — Олор,
истэбин.
— Эһиэхэ Айдаар Семёнов диэн уол баар эбит, сэт-
тис кылааска үөрэнэр, — киирбит киһи папкатын арыйда,
ыйытар икки кэпсиир икки ардынан саҕалаата.
85
