Page 80 - Литература 6 кылаас 2 чааhа

— Суох.
— Бүгүн уруоккун ааҕынныҥ дуо?
— Аахтан, — Айдаар бу кыыс бара охсуон баҕаран сы-
мыйалаата.
— Өйдөөтүҥ?
— Өйдөөтүм.
— Миэхэ туохха эмэ наадыйдаххына, бу телефоҥҥа эри-
йээр эбэтэр ити аадырыска тиийэ сылдьаар. Биир оскуолаҕа
үөрэнэбит. Онно даҕаны көрсүөххүн, ыйыталаһыаххын сөп, —
кыыс, улахан эппиэттээх үлэни ыыппыт, эбээһинэһин эҥкилэ
суох толорбут курдук сананан, туран таҥнан таҕыста.
Айдаар түннүккэ тиийэн Любаны одууласта. Кыыс тах-
сан, уулусса устун тиэтэйэ-саарайа хаама турда. Ол ким-
нээҕий? Уулусса уҥуорунан икки киһи куустуһан баран
иһэллэр. Итириктэр. Кини аҕата эбит дии. Эмиэ даҕаны.
Уол тиэтэл үлүгэринэн, сонноох бэргэһэтин анньынна,
итиэннэ таһырдьа ыстанна. Тахсан аан кэннигэр хорҕойон
туран, аҕатын аах ааспыттарын кэннэ хардары уулуссаҕа
ойдо. Бара охсуохха! Улахан дьон бары албыннар. Өссө
сууттатыах, хаайыыга ыытыах буолаллар. Аны кинилэр ха-
рахтарыгар көстүө, кинилэри кытта кэпсэтиэ суоҕа! Бэйэ-
лэрэ сырыттыннар!

***
Саас буолан, күн уһаан, халлаан итийэн иһэр. Күнүс
уулуссаҕа чалбах тахсар. Айдаар сир аннынан уу сүүрэр
турбата ааһар холлороонугар хонор. Эмиэ кини курдук
ускул-тэскил сылдьааччылар бааллар. Сорохтор күнүс кэ-
лэн оонньоон-көрүлээн бараллар. Олор дьиэлэриттэн ас
аҕалаллар. Үнүр ат сүүрүүтүгэр тиийэн, дьон испит бы-
тыылкаларын хомуйбуттара. Ол харчытыгар ас атыылас-
пыттара. Билигин тугу булбуттарын тэҥҥэ үллэстэн сиил-
лэр итиэннэ күнүс, киэһэ, сарсын аһыылларыгар хаһаанар
идэлэннилэр. Сороҕор ас дэлэйэ түһэр, сороҕор күн уста-
та тугу да үссэммэккэ сылдьаллар. Ол кыһалҕата хаһаа-
нарга үөрэттэ. Таҥаһа-саба илдьирийэн, онон-манан
алдьанан эрэр. Билигин күрүлүүр күнүс дьоҥҥо көстүөн
саллар, кыбыстар буолла.

80