Page 78 - Литература 6 кылаас 2 чааhа

— Милиция инспекторын кытта кэпсэппитиҥ дуо?
— Кэлэ сылдьыбыта.
— Туох диирий?
— Ыарахан иитиилээх оҕолор учуоттарыгар ыллыбыт
диэбитэ.
— Өссө тугу диирий?
— Үрдүкү кылаастартан иитээччитэ анааҥ диир, үөрэ-
ҕэр көмөлөһөргө, бэрээдэккэ тардарга.
— Ону хайаатыгыт?
— Тохсус кылаастартан Люба Сергееваны биэрдилэр.
— Ол хайаларай?
— Комсомолка. Үөрэҕэр үчүгэй.
— Ээ, били обком үлэһитин кыыһа буоллаҕа дии?
— Кини.
— Атыны да булбатах буоланнар. Аны аҕата айдааны
тардаарай?
— Ким билэр, тугу айдаарар үһүө.
— Кыыс сөбүлэһэр дуо?
— Сөбүлэстэр-сөбүлэспэтэр хайыаҕай, комсомольс-
кай сорудах буоллаҕа.
— Кэлиҥҥи күннэргэ оҕолор таҥастара сүтэн эрэр, —
директор куолаһа иһиллэр.
— Онон тугу этээри гынаҕын?
— Баҕар, ити Айдаар уол...
Ити кэнниттэн ботур-ботур кэпсэтэн барбыттара. Уол
тулуйан истибэккэ таһырдьа ойбута. Бу эмиэ тиһэх уруок-
ка сылдьыбакка күрээн кэлэн олорор. Ийэтигэр биллэр-
бит буолуохтара. Оҕолор таҥастара сүтүүтүгэр кинини
уорбалыыллар эбит. Сымыйа! Кини тугу да ылбатаҕа, уор-
батаҕа. Ити кэмҥэ ааны оргууй тоҥсуйар тыас иһилиннэ.
— Даа, киир!
— Дорооболоруҥ! — үрүҥ фартуктаах кыыс оргууй
аҕай сэрэммиттии көрөн-истэн киирдэ. «Били иитээччилэ-
рэ кэллэҕэ» уол сэрэйдэ.
— Эн Айдаар Семёнов диэҥҥин дуо?
— Мин. Онно туох баарый? — уол мааҕын учитель-
скайга буолбут кэпсэтиини өйдөөн кэллэ, кыйаханна.
— Үчүгэй. Мин Люба Сергеева диэммин. Комсомоль-

78