Page 73 - Литература 6 кылаас 2 чааhа

Айдаар уоллаах кыыс таһаҕастарын аттынан, туохха да
кыһаллыбатах курдук туттан, төттөрү-таары хаамыталаа-
та, ол иһэн төҥкөс гынан, биир буулканы эһэ тардан ылла.
Таһырдьа тахсан иһэн эргиллэн көрдө. Киниэхэ ким да
болҕомтотун уурбатах быһыылаах. Оттон уоллаах кыыс,
туох да буолбатаҕын курдук, холкутук утуктуу олороллор.

Кирилиэскэ туран буулкатын уобалаата. Сиэтэҕин ах-
сын өссө минньийэн иһэргэ дылы. Бу санаан көрдөҕүнэ,
бэҕэһээ эбиэттэн ыла аһыы илик эбит. Киэһээ аһылыгын
аһаабакка эрэ дьиэтиттэн күрээбитэ. Биир буулка утайыа
баара дуо? Иккини даҕаны ылбатах буолан. Биирэ да, ик-
китэ-үһэ да син биир буолбаат. Уол вокзалга төттөрү кии-
рэн, миэстэтигэр олорон, эмиэ били суумкалар үрдүлэ-
риттэн хараҕын араарбата. Тоҕоостоох түгэн эрэ көһүннэр,
өссө ыларга быһаарынна. Дьиэни сууйар дьахтар үлэтин
бүтэрэн, уһун синньигэс көрүдүөр устун бара турда.

Ити кэмҥэ радио куугунаата-хааҕынаата. Ханна эрэ
автобус барарын туһунан биллэрдэ. Чаһы сарсыарда алта
буолара чугаһаабытын көрдөрөр. Радио саҥарбытыгар
уоллаах кыыс уһугуннулар, харахтарын туора-маары сот-
тоот, ойон турдулар. Истиэнэҕэ турар чаһы диэки көрөн
ыллылар. Уол туран тыыллаҥнаата, онтон түннүккэ тиийэн
утуктаабыт сирэйдээх-харахтаах дьахтартан тугу эрэ ыйы-
таласта. Ити кэмҥэ атын пассажирдар уһуктан һуу-һаа
буоллулар. Радио иккиһин биллэрбитигэр, дьон таһыр-
дьа субурустулар. Айдаар, абыраллаах аспыттан матыам
диэн, ыксаата, хараҕа эрэ суумкаларга. Уоллаах кыыс
кини ымсыырбыт аһын кумааҕылары кум-хам тутан баран,
аан аттыгар турар урнаҕа илдьэн бырахтылар. Дьон тах-
саатын кытта Айдаар онно ойон тиийдэ итиэннэ суулааҕы
сулбу тардан ылла. Бу сырыыга кинини ким эрэ көрөрүгэр
эбэтэр көрбөтүгэр кыһаллыбакка таһырдьа ыстанна.

Вокзал таһыгар, ларёктар кэннилэригэр, хорҕойон ту-
ран, астына аһаата, тотто. Уу иһиэх эбит да, туга да суох.
Ити эрэн ол — улахан проблема буолбатах, колонкаҕа тии-
йэн астына иһэргэ быһаарынна. Өйүгэр соторутааҕыта уур-
бут кураанах бытыылката көтөн түстэ. Тиийэн кирилиэс ан-
нын өҥөйөн көрдө — кураанах. Тэйиччи тайахтаах оҕонньор

73