Page 77 - Литература 6 кылаас 2 чааhа

Түннүгүнэн көрдөҕүнэ, «Ил—62» диэн суруктаах аары-
ма улахан самолёт ыйылаан-хайылаан кэлэн, тэйиччи
тохтоото. Балайда буолан баран, үрдүк кирилиэһи тиэр-
тилэр. Самолёт аана аһылынна. Ону көрөн турдаҕына,
илиититтэн ким эрэ кытаанахтык харбаата. Эргиллэн
көрбүтэ, ийэтэ кэлэн турар эбит. Төлө көтүөх курдук биир
диэки иҥнэх гыммыта, иккис илиититтэн туттулар. Ол
диэки хайыспыта санныгар диэри субуруйан түспүт бат-
тахтаах, погонугар икки кыра сулустаах милиция форма-
лаах дьахтар турар.

— Күрүөйэх, барыах эрэ, — уолу икки илиититтэн ылан-
нар туох да ыйытыыта, кэпсэтиитэ суох иккис мэндиэмэн-
тэн түһэр кирилиэс диэки дэллэриттилэр.

***
Хас да күн ааста. Айдаары үнүр милицияҕа тиэрдэн
ыйыталаспыттара. Аны үөрэҕин көтүппэтигэр, кичэйэри-
гэр, дьиэтиттэн күрээбэтигэр эппиттэрэ, милиция лейте-
нана дьахтар өссө туох эрэ учуотугар ыллыбыт диэбитэ.
Аҕатын оскуолаҕа ыҥыран кэпсэппиттэр үһү. Онно үлэ-
лиир тэрилтэтигэр эмиэ көрбүттэр. Онон аҕыйах күҥҥэ хо-
луочуга суох кэллэ. Ол эрээри дьиэтигэр соччо-бачча тэһий-
бэт. Туга эрэ итэҕэс, тугу эрэ көрдүүр курдук туттар-хаптар,
сороҕор бэрт да кыраттан сылтаан кыыһырар-түрдэстэр.
Ийэтэ онуоха кыһаллыбат. Аҕата суоҕар уолугар арыгы-
ны иһиэн баҕаран ити курдук буолар диир. Аахсыбатыгар,
болҕомтоҕо ылбатыгар этэр. Айдаар аҕата баар, кыыһырар
кэмигэр уруогун ааҕыах санаата олох кэлбэт.
Кэлин нэдиэлэ курдук уруогу көтүппэтэ. Үөрэҕин син
ситиһиэх эбит да, көтүппүтэ элбэҕэ бэрт. Ону тэҥэ сыл-
дьыбыт да кэмигэр сүгүн-саҕын үөрэппэтэҕэ. Ол иһин
олус ыарахан. Улахан дьон диэн дьиктилэр даҕаны, өссө
сымыйаччылар. Мааҕын аһаҕас аанынан учительскайга
кини туһунан кэпсэтэллэрин истибитэ.
— Нина Николаевна, били күрүөйэх уол кэлин хай-
даҕый? — директор Дария Петровна саҥата иһиллэр.
— Син сылдьар, уруогу көтүтэ илик, — кылаас сала-
йааччыта хардарар.

77