Page 81 - Литература 6 кылаас 2 чааhа

Түүнүгэр холлороонноругар хоноллор. Билэр оонньуу-
ларын барытын оонньоотулар. Индеецтэр, мушкетёрдар,
разведчиктар буолаллар, эмиэ даҕаны бэйэлэрин икки
ардыгар этэрээти тэринэн «кыргыһаллар». Бэһиэлэйэ сүр-
дээх. Өскөтө ас-таҥас баара буоллар, куруук даҕаны ман-
нык сылдьыахха сөп эбит.

Дьиэлэригэр баран хонооччулар күн ахсын кэһиилээх
кэлэллэр. Килиэптээх арыы, бэрэски, буулка эҥин аҕалал-
лар. Сорохтор өссө биир эмэ кэппиэйкэни булбут буолал-
лар. Онуоха туохха наадыйалларын, ордук утаҕы, чэпчэки
сыаналаах аһы атыылаһаллар. Командирдара, Махно диэн
ааттанааччы, хас да түүн оҥоһуллан баран буһарылла
илик котлеты аҕалла. Ону маҥнайгы мэндиэмэн балконут-
тан ылбытын кэпсээтэ. Опыттаах, уҥуоҕунан да, сааһынан
да барыларыттан улахан. Түүн, дьон бары утуйбуттарын
кэннэ, уһугар тимир күрүчүөктээх быаны уһун ураҕаска
иҥиннэрэн баран, балкон сарадах тимиригэр иилэр уонна
быаттан тардыһан балкоҥҥа тахсар. Онтон тугу талбытын
ыларын кэпсээтэ. Билигин Первэй Маай бырааһынньыга
чугаһаан дьон астаналлар. Сорох дьиэлэргэ, саалаҕа, ким
да утуйбат. Оттон балкоҥҥа, үгэс курдук, саалаттан тах-
саллар. Онон олус куттала суох эбит. Кылаабынайа, сэрэ-
ниэххэ итиэннэ дьон билбэттэрэ наада.

Муус устарга түүн биллэ хараҥаран ылардаах. Уолат-
тар бу кэмҥэ тутта түһэн хааларга үөрэннилэр. Түүн axсын
атынтан атын дьиэҕэ бараллар. Икки-үс буолан, сороҕор
соҕотоҕун сылдьаллар.

Бу түүн Айдаар барар уочарата. Урут биирдэ да соҕо-
тоҕун сылдьа илик. Доҕотторун кытта бииргэ сылдьан
«бултаһар» буолара. Бэркэ куттанар. Ол эрээри онтун
доҕотторугар, хоргус курдук көстүмээри, биллэрбэт буо-
ла сатыыр.

Түүн ортотун саҕана холлороонуттан таҕыста. Борук-со-
рук уулуссаҕа иэгэйэр икки атахтаах биллибэт. Ураҕаһын,
төбөтүгэр күрүчүөктээх тимирдээх быатын туппутунан ба-
ран истэ. Дьиэлэр хайдах эрэ ынырыктык лүҥкүрэллэр.
Сорох түннүктэр уоттаахтар. Ити мэндиэмэннэргэ тахсар
кирилиэс түннүктэрэ быһыылаах. Маҥнайгы сүрэхтэнии

81