Page 86 - Литература 6 кылаас 2 чааhа

— Баар! Бэркэ би-билэр уолбут. Үөрэнэн диэн... От-
тон суолтатыгар эрэ сылдьар, — Дария Петровна «билэр»
диэн тылы ордук чорботон бэлиэтээтэ. — Аатын курдук
айдаан хаата, анараа дойдуттан айдаар диэн ыыппыттар
быһыылаах.

— Кинини аналлаах оскуолаҕа ыытарга туруорсаҕыт?
— Уруккуттан да ыытыах баара. Ону Соргоева дьыала-
тын кыайан оҥорбокко уһатан-кэҥэтэн иһэр. Сороҕор уол
күрээн хаалар.
— Билигин ханна баарый?
— Манна сылдьар ини. Кэлин кининэн интэриэһир-
гээбэт да буоллум. Чиэппэр бүтэрэ, экзаменнар саҕала-
наллара чугаһаан, кинитээҕэр буолуох дьыалабыт элбэх, —
Дария Петровна куолаһа кытаатта. — Ити уол эрэй
бөҕөбүтүн көрдөрдө. Учууталларга куруубайдыыр, үөрэ-
ҕэр олох көлөөк. Уонунан хонукка дьиэтиттэн күрээн бы-
радьаагы сылдьар. Оҕолор таҥастара сүтэр, ыаллар бал-
коннарыттан түүнүн аһы уорууга кыттар. Быһата, итинтэн
да атын буруйу оҥорбута элбэх. Ол барыта итиннэ сурул-
ла сылдьар буолуохтаах. Атын оҕолорго куһаҕан өттүнэн
сабыдыаллаатаҕына, өссө буортулаах буолуоҕа. Онон
аналлаах оскуолаҕа ыыта охсуохха.
— Төрөппүттэрин кытта сибээстээххит дуо?
— Ийэтин ыҥыран куруук кэпсэтэбит. Оттон аҕата
биирдэ холуочук кэлэн: «Оҕону иитии, үөрэтии оскуола
дьыалата, ону кыайбаккыт уонна буруйу биһиэхэ, төрөп-
пүттэргэ, түһэрэҕит», — диэн, бэйэбитин дэлби күргүй-
дээн тахсыбыта. Улуу арыгыһыт эбит. Тэрилтэтигэр эп-
пиппитигэр көрүөх, дьүүллүөх буолтара да, тугу гыммыт
үһүлэр?! Кинилэргэ үлэҕэ эрэ баар буоллуҥ да, бүтэр.
Онтон атыҥҥа кыһаллыбаттар.
— Аҕатын ЛТП-га ыыппыттар, — Сергеев директор
саҥатын истэ олорон тыл кыбытта.
— Наконец-то! — Дария Петровна чэпчээбиттии үөһэ
тыынна.
— Манна оҕолор таҥастарын уорар дэммит. Дьиҥэр,
киирбит докумуоннартан көрдөххө, уол бырадьаагы сыл-
дьыбыт кэмигэр оҕолор таҥастара эмиэ сүтүтэлээбит.

86