Page 89 - Литература 6 кылаас 2 чааhа

Уол бу хантан кэлбитэ, туох үлэһитэ биллибэт эйэҕэс
сирэйдээх-харахтаах, сэргэх көрүҥнээх киһини хайдах
эрэ ытыктыы, эрэнэ санаата. Тугу да утары эппэккэ туран
таҥныбытынан барда.

Анаан дьүүллэһии
«Киһилии олоххо дьулуур», «мөккүөр», «бырачыас», «ту-

луур», «киһи буолуу» диэн тыллар тиһиктэринэн аахпыт
айымньыларгытыгар, олохтон билбиккитигэр-көрбүккүтүгэр
тирэҕирэн, анаан ырытыһан кэпсэтиҥ:
— Чүөчээски уонна Айдаар мөккүөрдэрин төрдө тугуй? Мөк-

күөр майгыннаһар өрүттэрэ ханныктарый?
— Чүөчээскини да, Айдаары да мөлтөх, туруга суох дьон диэн

сыаналыахха сөп дуо?
— Чүөчээски уорууну утары атыннык хайдах охсуһуон сөп

этэй эбэтэр билбэтэҕэ-көрбөтөҕө буолан сылдьыбыта ор-
дук буолуо этэ дии саныыгыт дуу?
— Айдаар дьиэтиттэн хайдах эмит барбакка олоруон сөп этэ
дуо? Хайдах?
— Чүөчээски, Айдаар курдук икки суол төрдүгэр турбут оҕолор
дьылҕалара кэлин хайдах салаллыбыта буолуой?

Тыыннаах тыл

Бу икки араас кэм оҕолорун дьылҕаларын ырытан, талбыт
айымньыгытыгар салгыы айан суруйарга холонуҥ:
 Кинилэр дьиэ кэргэн иһигэр сатарыйбыт олохторун киһи-

лии олох сиэригэр хайдах киллэриэххэ сөбүй?
 Дьону-сэргэни, дьиэ иһинээҕилэрин кытта сыһыаны хай-

дах тупсарыахтарын сөбүй?
 Чүөчээски тирэхтээх, үтүө дьон кинини өйүөхтэрэ, ол

эрээри аҕата — хаайыыга... Онно буруйдаах кини курдук
эбэтэр барытыгар Сылгыһыт Наһаар буруйдаах дуу? Кини
оҕотун, Чүөчээскини, өйдүө дуо?
 Айдаар хайа да диэки хайыстын соҕотох курдук, ким ки-
ниэхэ илиитин биэриэй? Сергеев — бу кимий?

89